ઈટલીમાં આવેલા વેનિસ શહેરને દુનિયાનું સૌથી સુંદર શહેર માનવામાં આવે છે, તેને તરતું શહેર પણ કહેવાય છે.

વેનિસ શહેર સેંકડો ટાપુઓથી બનેલું છે. વેનિસમાં 118 ટાપુઓ છે જે 150 નહેરો વચ્ચે બાંધવામાં આવ્યા છે.

મોટાભાગના ટાપુઓ પુલ વડે જોડાયેલા છે, અહીં લગભગ 400 પુલ છે. ઘણા ટાપુઓ દૂર છે, ત્યાં માત્ર હોડી દ્વારા પહોંચી શકાય છે.

વેનિસની મોટાભાગની સુંદર ઈમારતો લાકડાના પ્લેટફોર્મ પર બનેલી છે.

વેનિસની મધ્યમાંથી પસાર થતી ગ્રાન્ડ કેનાલ 4 કિલોમીટર લાંબી અને 16 ફૂટ જેટલી ઊંડી છે.

શહેરમાં કોઈ કાર નથી, જેના કારણે 60 ટકા વસ્તી ગ્રાન્ડ કેનાલમાંથી અવરજવર કરે છે.

જો કે શહેર સાથે જોડાયેલી એક આશ્ચર્યજનક બાબત એ છે કે આ શહેર દર વર્ષે 2 મીમી ડૂબી રહ્યું છે.

એટલે એમ કહી શકાય કે ભવિષ્યમાં આ શહેરનું અસ્તિત્વ ખતમ થઈ જશે.

વેનિસની શેરીઓ વિશ્વની સૌથી સાંકડી શેરીઓમાંની એક છે.

વિશ્વનો પહેલો સાર્વજનિક કેસિનો વેનિસમાં 1638માં ખોલવામાં આવ્યો હતો, વેનિસ કાર્નિવલની શરૂઆત 12મી સદીમાં થઈ હતી.