ઈ-ઓકશન મ્યુનિ.ને ફળ્યું , અમદાવાદના પાંચ પ્લોટના વેચાણથી ૨૯૮ કરોડની આવક

  અમદાવાદ,ગુરુવાર,1 ફેબ્રુ,2024

અમદાવાદ મ્યુનિ.તંત્ર દ્વારા સેલ ફોર કોમર્શિયલ અને સેલ ફોર રેસિડેન્શિયલ હેતુ માટેના ૮ પ્લોટ માટે ઈ-ઓકશન કરવામાં આવ્યુ હતુ.આ પૈકી પાંચ પ્લોટનુ વેચાણ થતાં મ્યુનિ.તંત્રને રુપિયા ૨૯૮.૮૦ કરોડથી વધુની આવક થઈ હતી.સૌથી વધુ  રુપિયા ૧૪૮ કરોડ બોડકદેવ વોર્ડના કોમર્શિયલ પ્લોટ માટે મળ્યા હતા.

ટી.પી.સ્કીમ નંબર-૫૦નો  ફાયનલ પ્લોટ નંબર-૩૮૭ કે જે સેલ ફોર કોમર્શિયલના હેતુ માટેનો હતો.આ પ્લોટના વેચાણથી મ્યુનિ.ને રુપિયા ૧૪૮.૩ કરોડની આવક થઈ છે.દક્ષિણ-પશ્ચિમ ઝોનમાં ટી.પી.સ્કીમ નંબર-૮૫ના રહેણાંક હેતુ માટેના ફાયનલ પ્લોટના વેચાણથી રુપિયા  ૩૧.૧૫ કરોડની આવક થઈ છે.દક્ષિણઝોનના વટવા વોર્ડના સેલ ફોર કોમર્શિયલના પ્લોટના વેચાણથી રુપિયા ૯.૯૬ કરોડની આવક થઈ છે.દક્ષિણ-પશ્ચિમઝોનના મકરબાના સેલ ફોર કોમર્શિયલ હેતુ માટેના પ્લોટના વેચાણથી રુપિયા ૧૦૦.૫૨ કરોડની આવક થઈ છે.ઉત્તરઝોનના સૈજપુર વોર્ડમાં આવેલા સેલ ફોર કોમર્શિયલના વેચાણથી રુપિયા ૯.૧૩ કરોડ આવક થઈ છે.