રામનગરી અયોધ્યામાં 10મા દીપોત્સવની ભવ્ય અને અલૌકિક ઉજવણી થઈ રહી છે. શનિવારે સાંજે સરયુ નદીના 56 ઘાટે 30 લાખથી વધુ માટીના દીવા પ્રગટાવી નવો વિશ્વ રેકોર્ડ બનાવવામાં આવ્યો છે. તમામ ઘાટ પર એકસાથે દીવાઓ પ્રગટાવતાં અયોધ્યા નગરી ‘જય શ્રીરામ’ના નાદથી ગુંજી ઊઠી હતી. રામ કી પૈડી પર પ્રગટાવવામાં આવેલા દીવાઓની રોશની દૂર-દૂર સુધી પાણીમાં ઝળહળતી જોવા મળી હતી. આ નજારો એવો ભવ્ય હતો કે જાણે આકાશના તારાઓ ધરતી પર ઊતરી આવ્યા હોય તેવું લાગી રહ્યું હતું.