Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

ઉત્તર ગુજરાતમાં ગામડે-ગામડે પાટીદારોની ખાટલા બેઠકો અને રાત્રિસભાનો દોર શરૃ

- ફરીવાર પાટીદારોનું આદોલન આક્રમક બનવાના એંધાણ

- મહેસાણા, પાટણ અને બનાસકાંઠા સહિત કુલ ૧૯૯ ગામોમાં પાસ અગ્રણીઓ ફરી વળ્યા

મહેસાણા, તા. ૧૧ બુધવાર, જાન્યુઆરી 2017
આગામી ૧૭ તારીખે રાજસ્થાનથી ગુજરાતના હિંમતનગર ખાતે હાર્દિક પટેલ સભા સંબોધી ફરી એકવાર પાટીદાર અનામત આંદોલન શરૃ કરવાની તૈયારી કરે છે ત્યારે ઉત્તર ગુજરાતના પાસ અગ્રણીઓ પણ સભામાં હાજર રહેવા અને અનામતનું રણશીંગુ ફુંકવા ગામડે ગામડે ખાટલા બેઠકો અને રાત્રિ સભામાં વ્યસ્ત બન્યા છે. અત્યાર સુધી પાસ અગ્રણીઓ મહેસાણા, પાટણ અને બનાસકાંઠાના કુલ ૧૯૯ ગામોમાં બેઠકો કરી પાટીદારોને સમજાવી ચુક્યા છે. કાર્યક્રમમાં ૧ લાખથી વધુ પાટીદારો ઉમટી પડશે તેવો અંદાજ પાસ દ્વારા વ્યક્ત કરવામાં આવ્યો છે.

પાટીદાર અનામત આંદોલનના અગ્રણી હાર્દિક પટેલ પાંચ દિવસ બાદ  હિંમતનગર ખાતે જાહેર સભા સંબોધી સરકાર પક્ષે પોતાની માગણી બુલંદ કરી આંદોલનનો ત્રીજો તબક્કો શરૃ કરશે ત્યારે સુષુપ્ત થઈ ગયેલા આંદોલનને વેગવાન બનાવવા પાસ દ્વારા મહેસાણા, પાટણ અને બનાસકાંઠામાં દિવસ, રાત બેઠકોનો દોર શરૃ થઈ ગયો છે. સમગ્ર રણનીતિ અંગે પાસ અગ્રણી સુરેશ ઠાકરેએ જણાવ્યું હતું કે મહેસાણાના ૧૨૦, પાટણના ૫૮ અને બનાસકાંઠાના ૨૧ ગામોમાં ફરીને પાટીદારોને એકજુથ થઈ સભામાં હાજર રહેવા અને અનામતની માગણી ગત આંદોલન કરતા વધુ બુલંદ કરવાની તૈયારીમાં વ્યસ્ત બન્યા છે.

પાસના સુત્રોએ જણાવ્યું હતું કે અનામત આંદોલન અંગે અમારી જુની માગણી ફરી એકવાર રાજ્ય સરકાર સામે મુકવામાં આવશે અને જો માગણી સ્વીકારાશે નહીં તો ગત વખતના આંદોલન કરતા આ ત્રીજા તબક્કાનું આંદોલન આક્રમક રહેશે.

જોકે હાલની સ્થિતિએ આંદોલનના કર્તાહર્તા હાર્દિક પટેલ ૧૭ જાન્યુઆરીએ સભામાં ઉપસ્થિત પાટીદારોને આગામી કાર્યક્રમની રૃપરેખા જણાવશે ત્યારે રાજ્ય સરકાર પણ આંદોલનની હાલની ગતિવિધિ વિશે પોતાના સોર્સ મારફત પળેપળની વિગતો મેળવી રહી છે.

માંગણી નહિ સ્વીકારાય ત્યાં સુધી જંપીશું નહીં
આગામી કાર્યક્રમ અંગે પાસના સુરેશ ઠાકરેએ જણાવ્યું હતું કે ત્રીજા તબક્કાના આંદોલનની તૈયારીમાં લાગ્યા છીએ ત્યારે ગમે તે ભોગે માગણી નહિ સ્વીકારાય ત્યાં સુધી જંપીશું નહીં.

Post Comments