Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Go Social with Facebook Close

Our Social Reader lets you keep track of your favorite Gujarat Samachar content (text, photos & videos) on your Facebook Timeline, and discover new content with friends.

Gujarat Samachar

Facebook

Enable Social Reading
No, Thanks

ખેડૂતોની નારાજગી દૂર કરવા રૃ.૩૩૫૦૦ કરોડનો ટેકાના ભાવવધારાનો જુગાર

- ટેકાના ભાવોની નિષ્ફળતા પાછળ યુનિક ખરીદ સીસ્ટમનો અભાવ જવાબદાર

મોદી સરકારે લોકસભા ૨૦૧૯ની ચૂંટણી પહેલાં ખાસ કરીને ખેડૂતોની નારાજગી દૂર કરવા માટે ટેકાના ભાવોમાં નોંધપાત્ર વધારો કરી રૃપિયા ૩૩૫૦૦ કરોડના મોટા પેકેજનો બોજ ઉપાડયો છે. છેલ્લા દશેક વર્ષોમાં પહેલી વાર ખેડૂતોને સરકાર તરફથી ટેકાના ભાવોના વધારા રૃપે ઉપહાર મળ્યો છે. આ અગાઉ ૨૦૦૮-૦૯માં upa સરકારને સરેરાશ ૧૫૫ રૃપિયાનો ટેકાના ભાવોમાં વધારો કર્યો હતો. ચાલુ નાણાંકીય વર્ષના બજેટમાં સરકારે ખેડૂતોને તેમની કૃષિ ઉપજની પડતરના દોઢા ભાવો મળે તેવો વાયદો કર્યો હતો. હવે નવા પેકેજ પ્રમાણે જાહેર કરેલા ટેકાના ભાવો ખેડૂતોને પ્રેકટીકલ બેજ ઉપર મળશે કે કેમ તે પ્રશ્નાર્થ છે. અગાઉ પણ ટેકાના ભાવો કરતાં અડધી કિંમતે પરાણે કૃષિ ઉત્પાદન વેચવું પડયું હોવાના અનેક દાખલા છે.

જેમ કે ચણાના ટેકાના ભાવો પ્રતિ કિવન્ટલે રૃ. ૪૪૦૦/- છે પરંતુ કેટલાય કૃષિ બજારોમાં ચણાની બજાર ટેકાના ભાવો કરતાં નીચી હોવાથી ખેડૂતોને પરાણે મજબૂરી વશ ટેકાના ભાવો કરતાં નીચી કિંમતે વેચાણ કરવું પડયું છે.

સરકારે લગભગ ૧૪ ઉપરાંત કૃષિ ચીજોના ટેકાના ભાવોમાં વધારો જાહેર કર્યો છે. જેમાં સૌથી વધુ મગમાં ટેકાના ભાવો ૫૫૭૫ હતા જેમાં ૧૪૦૦ના વધારા સાથે ૬૯૭૫ રૃપિયા કર્યો છે. કપાસમાં ૧૧૩૦ના વધારા સાથે ટેકાના ભાવો ૪૦૦૦ થી વધારી ૫૬૭૫ કર્યા છે. બાજરાના ટેકાના ભાવોમાં પણ ૫૨૫ના વધારા સાથે ૧૯૫૦ કર્યો છે. સોયાબીનમાં ૩૫૦ના વધારા સાથે ૩૪૦૦ તેમજ અડદ અને અનાજમાં ૨૦૦ રૃપિયાનો ટેકાના ભાવોમાં વધારો કર્યો છે.

સરકારે ટેકાના ભાવોમાં વધારો જાહેર કરી ખેડૂતોની પ્રશંસા મેળવી રહી છે પરંતુ આ ભાવો ખરેખર ખેડૂત વર્ગને મળશે કે કેમ ? તે પ્રશ્ન ઉભો છે. ભારતમાં એક સરખી યુનિક ખરીદ વ્યવસ્થાનો અભાવ છે. ટેકાના ભાવે જ કૃષિ ચીજોનું વેચાણ થાય તેવા કાયદાની શખ્ત જરૃર હોવાનું ટેકાના ભાવો નક્કી કરતી સંસ્થાએ મંતવ્ય વ્યકત કર્યું છે. દેશમાં માત્ર સાત ટકા ખેડૂતોને ટેકાના ભાવોનો લાભ મળે છે. જયારે બાકીના ખેડૂતોને ટેકાના ભાવોનો લાભ હજી સુધી નહિ મળ્યો હોવાની ગ્રાઉન્ડ લેવલે વ્યાપક ફરિયાદો છે.  છેલ્લા કેટલાક મહિનાઓથી કૃષિ બજારોમાં મોટા ભાગની ચીજોમાં ભારે મંદી ચાલી રહી છે. જેનાથી ખેડૂતોને પડતર કરતાં પણ નીચા ભાવો મળતાં ભારોભાર નારાજગી ગ્રામ્ય વિસ્તારોમાં જોવા મળી રહી છે. સરકારની યોજનાઓ માત્ર કાગળ ઉપર ચાલી રહી હોવાનો અહેવાલ ખેડૂતોને થઇ રહ્યો છે.

ટેકાના ભાવોના વધારાનો લાભ નીચા સ્તરના ખેડૂત સુધી મળે તે માટે સરકારે ચોક્કસ નીતિ તૈયાર કરવી પડશે. ખેડૂતોની આવક ૨૦૨૨ સુધીમાં ડબલ કરવા સરકારે લક્ષ્યાંક જાહેર કર્યો છે જેને સિધ્ધ કરવા ટેકાના ભાવોમાં વધારો પર્યાપ્ત નથી. સરકાર પાસે કૃષિ ચીજોના સ્ટોક માટે યોગ્ય સંગ્રહની ગોડાઉનોની વ્યવસ્થા નથી. સાથે સાથે નવા ટેકાના ભાવે કૃષિ ચીજો ખરીદવા માટે નાણાંકીય બજેટની પણ વ્યવસ્થા ઉભી કરવી જરૃરી છે. ટેકાના ભાવોના વધારાની અસરથી કૃષિ ચીજોના બજારોમાં તેજી થવાની હાલના તબક્કે છે. જેમ કે સૌથી મોટો કારોબાર ધરાવતા ચોખા અને કપાસ બજારમાં ટેકાના ભાવોના વધારાથી તેજીની શકયતા જોવાઇ રહી છે. જેની અસર લોકલ ઉપરાંત વિદેશી બજાર ઉપર પડે તેમ છે. કારણ કે કપાસ અને ચોખાની ભારતમાંથી સૌથી વધુ નિકાસ થાય છે. વૈશ્વિક હરિફાઇને કારણે ભારતને કદાચ નુકશાન પણ થવાની શક્યતા છે. ટેકાના ભાવોનો વધારો ખેડૂતોની આવક ઉપર કેટલો અસરકારક રહે છે. તેની ઉપર નજર મંડાઈ છે અને સમગ્ર મામલો અભ્યાસનો વિષય બન્યો છે.

Post Comments