અમારી તકરારમાં વચ્ચે કેમ પડયો કહી યુવક ઉપર ધારિયા, છરીથી હુમલો

અમદાવાદ,બુધવાર 

મેઘાણીનગર વિસ્તારના ચમનપુરામાં યુવકને ધરમ કરતા ધાડ પડી હોવાનો કિસ્સો પ્રકાશમાં આવ્યો છે. પારિવાર તકરારમાં બે ભાઇ વચ્ચે તકરાર ચાલતી હતી જેમાં યુવક સમજાવવા જતાં પોતાની તકરાર પડતી મૂકી હતી બે ભાઇ તથા તેના મિત્રએ અમારી તકરારમાં વચ્ચે કેેમ પડયો કહીને તેને  માર મારીને ધારિયા તથા છરીથી હુમલો કરીને નિર્દોષ યુવકને લોહી લુહાણ કરી મૂક્યો હતો. આ બનાવ અંગે મેઘાણીનગર પોલીસે ગુનો નોંધી વધુ તપાસ હાથ ધરી છે.

પોતાની તકરાર પડતી મૂકી નિર્દોષ યુવક ઉપર ઘાતક હુમલો કરી લોહી લુહાણ કરી મૂક્યોઃ મેઘાણીનગર પોલીસે ગુનો નોંેધી તપાસ હાથ ધરી

મેઘાણીનગરમાં ચમનપુરા પાસે મોહરાબીબીની ચાલીમાં રહેતા અને રિક્ષા ચલાવીને પરિવારનું ગુજરાન ચલાવતા કલ્પેશભાઇ.જે.પટણી (ઉ.વ.૩૨)એ મેઘાણીનગર પોલીસ સ્ટેશનમાં ચમનપુરામાં રહેતા બાલી.પી.પટણી તથા તેના ભાઇ લલ્લો પટણી સહિત ત્રણ લોકો સામે ફરિયાદ નોંધાવી છે કે ગઇકાલે મોડી રાતે યુવક મામાના જ્યાં ઉપરોક્ત શખ્સો વચ્ચે અંદરો અંદર તકરાર ચાલતી હતી જેથી માનવતા દાખવીને યુવક વચ્ચે પડીને સમજાવવા માટે ગયો હતો.

ત્યાં આરોપીઓએ પોતાની તકરાર પડતી મૂકીને યુવકને તું અમારી તકરારમા વચ્ચે કેમ પડયો કહીને ત્રણેય શખ્સો ગાળો બોલીને યુવક સાથે તકરાર કરી હતી અને ઉશ્કરાઇને યુવક ઉપર ધારિયા અને છરીથી હુમલો કરીને લોહી લુંહાણ કરીને નાસી ગયા હતા, ગભીર રીતે ઘાયલ યુવને સારવાર માટે સિવિલ હોસ્પિટલમાં દાખલ કરવામાં આવ્યો હતો. આ  બનાવ અંગે મેઘાણીનગર પોલીસે ગુનો નોંધી આરોપીઓની શોધખોળ કરવાની કાર્યવાહી હાથ ધરી છે.