ભાજપના ધારાસભ્ય અને પૂર્વ મંત્રી ગજેન્દ્રસિંહ પરમાર સામેના પોક્સો કેસમાં ન્યાય માટે સગીરાની માતાએ ઝેર પીધુ

અમદાવાદ, સોમવાર

Minor Girl Molestation Case : ગુજરાતના  પ્રાંતિજના ધારાસભ્ય ગજેન્દ્રસિંહ પરમાર સહિત ત્રણ લોકો વિરૂદ્વ ત્રણ વર્ષ પહેલા રાજસ્થાનના આબુ રોડ પર કારમાં સાથે જઇ રહેલી મહિલાની સગીર દીકરી સાથે શારિરીક છેડતી કર્યાનો આરોપ હેઠળ પોક્સો હેઠળ ફરિયાદ નોંધવામાં આવી હતી. જે અનુસંધાનમાં રાજસ્થાનમાં આ કેસને લઇને કોર્ટમાં સતત કેસની તારીખ પડતી હોવાથી સગીરાની માતાએ કંટાળીને  શનિવારે  જોધપુરની હાઇકોર્ટમાં ઝેરી દવા પીને આત્મહત્યાનો પ્રયાસ કર્યો હતો. તેણે આક્ષેપ કર્યો છે કે ગજેન્દ્રસિંહ પરમારના રાજકીય દબાણના કારણે કેસને નબળો બનાવવામાં આવી રહ્યો છે.