7 IASની બદલી : અમદાવાદના મ્યુનિ. કમિશનર તરીકે લોચન સેહરા

વર્તમાન કમિશનર મુકેશકુમારને શહેરી વિકાસ વિભાગમાં : મુકેશ પુરી GSFCમાં MD બન્યા

ગાંધીનગર : ગુજરાત સરકારે લાંબા સમય પછી રાજ્યના આઇએએસ અધિકારીઓની બદલી કરી છે. સાત અધિકારીઓ બદલાયા છે તેમાં અમદાવાદના મ્યુનિસિપલ કમિશનર મુકેશકુમાર અને શહેરી વિકાસ વિભાગના અધિક મુખ્યસચિવ મુકેશ પુરીનો સમાવેશ થાય છે.

અમદાવાદના મ્યુનિસિપલ કમિશનર તરીકે લોચન સેહરાને મૂકવામાં આવ્યા છે, જ્યારે શહેરી વિકાસ વિભાગમાં મુકેશકુમારને મૂકવામાં આવ્યા છે. મુકેશ પુરીની બદલી ગુજરાત સ્ટેટ ફર્ટિલાઇઝર્સ કંપની (જીએસએફસી), વડોદરામાં કરવામાં આવી છે. ૧૯૮૮ બેચના આ અધિકારીની બદલી ચાર વર્ષ કરતાં વધુ સમય પછી થઇ છે.

અમદાવાદના કમિશનર તરીકે મૂકાયેલા ૨૦૦૨ બેચના આઇએએસ અધિકારી લોચન સેહરા અગાઉ સ્ટેમ્પડયુટીમાં સુપ્રિટેન્ડેન્ટ અને જૂનાગઢના મ્યુનિસિપલ કમિશન તરીકે પણ રહી ચૂક્યાં છે.

આનંદીબહેન પટેલની સરકારમાં સીએમઓમાં ફરજ બજાવતા કેસી સંપતને સુરેન્દ્રનગર જિલ્લા વિકાસ અધિકારી તરીકે પોસ્ટીંગ આપવામાં આવ્યું છે, જ્યારે રાકેશ શંકરને અર્બન હાઉસિંગનો વધારાનો હવાલો સોંપવામાં આવ્યો છે.