યુ.એસ. એમ્બેસીનું ગુજરાતમાં એક પણ બાયોમેટ્રિક સેન્ટર નહી હોવાથી મુંબઇ સુધી ધક્કો ખાવો પડે છે

વડોદરા : ભારતમાંથી યુએસએ જતા લોકોમાં ગુજરાતીઓ સૌથી મોખરે છે તેમ છતાં પણ અમેરિકન એમ્બેસીએ હજુ સુધી ગુજરાતમાં બાયોમેટ્રિક સેન્ટર આપ્યું નથી, જેના કારણે ગુજરાતીઓએ વિઝા માટેના ઇન્ટરવ્યુ પહેલા ફિંગરપ્રિન્ટ માટે મુંબઇનો ધક્કો ખાવો પડે છે, જેનાથી અરજદારને આર્થિક રીતે ફટકો તો પડે છે, સાથે સાથે સમયનો પણ બગાડ થાય છે, માટે ગુજરાતમાં એક બાયોમેટ્રિક સેન્ટર આપવાની માગ સાથે વડોદરાના રહીશે વિદેશમંત્રી અને પ્રધાનમંત્રી કાર્યાલયને પત્ર લખ્યો છે.

પત્ર લખનાર ચિરાગ બારોટનું કહેવું છે કે ગુજરાતમાં અમદાવાદ ખાતે કેનેડા, ન્યુઝિલેન્ડ, ઓસ્ટ્રેલિયા, યુ.કે. અને યુરોપના દેશોના બાયોમેટ્રિક સેન્ટરો આવેલા છે, ફક્ત યુએસએનું જ નથી. આજના ડિઝીટલ યુગમાં તો અમેરિકા ધારે તો ગુજરાતના દરેક મોટા શહેરોમાં બાયોમેટ્રિક સેન્ટરો તૈયાર કરી શકે છે.

ભારતમાંથી યુ.એસ.માટે  વિઝા એપ્લાય કરતા લોકોમાં ગુજરાતીઓ સૌથી વધુ હોવા છતાં ગુજરાતને અન્યાય