અયોધ્યામાં શ્રી રામ મંદિર પ્રાણ પ્રતિષ્ઠા મહોત્સવ ની નિમંત્રણ પત્રિકા અને અક્ષત કળશ સાથેની ટીમ એસ.પી. ના ઘેર પહોંચી

જામનગર, તા. 13 જાન્યુઆરી 2024 શનિવાર

શ્રી રામ જન્મભૂમિ તીર્થક્ષેત્ર જામનગર સમિતિના અગ્રણીઓ જિલ્લા પોલીસ અધિક્ષક ના નિવાસ્થાને પવિત્ર અક્ષત કળશ અને અયોધ્યાના આમંત્રણ ને લઈને પહોંચ્યા હતા, જ્યાં એસપી પ્રેમસુખ ડેલૂએ પવિત્ર અક્ષત કળશનું પૂજન કર્યું હતું અને શ્રીરામ જન્મભૂમિ તીર્થ ક્ષેત્રની પત્રિકા અને અયોધ્યાની પ્રતિમા સ્વીકારી હતી.

આ પ્રસંગે વિશ્વ હિન્દુ પરિષદના વિભાગ અધ્યક્ષ ભરતભાઈ ડાંગરીયા, ઉપાધ્યક્ષ રમેશભાઈ તારપરા, ઉપાધ્યક્ષ સુબ્રમણ્યમભાઈ પિલ્લે, પ્રચાર પ્રસાર સંયોજક કિંજલભાઈ કારસરીયા, વ્રજ ઉપનગરના સંયોજક નિલેશભાઈ વાટલીયા સહિતના અગ્રણીઓ ઉપસ્થિત રહ્યા હતા અને આ આમંત્રણ આપવા આવ્યા હતા, ત્યારે જામનગર જિલ્લાના પોલીસ અધિક્ષક પ્રેમસુખ ડેલૂએ તમામને આવકારી અભિવાદન પણ કર્યું હતું.