જો તમે પણ વધી રહેલા વજનને ઘટાડવા માંગો છો તો એક મહિના સુધી ડાયટમાં સામેલ કરો આ એક વસ્તુ

Image Source: Twitter

અમદાવાદ, તા. 01 માર્ચ 2024 શુક્રવાર

અનહેલ્ધી ડાયટ, ખરાબ લાઈફસ્ટાઈલ અને આરોગ્યની સારસંભાળ ન લેવી ધીમે-ધીમે સ્થૂળતા વધારે છે. એક વખત વજન વધી જાય તો તેને ઘટાડવુ સરળ હોતુ નથી. સ્થૂળતા ન માત્ર તમારા શરીરને ખરાબ કરે છે પરંતુ તેનાથી ઘણી બીમારીઓ પેદા થઈ શકે છે. એક્સપર્ટ્સ અનુસાર સ્થૂળતાના કારણે ડાયાબિટીસ, હાઈપરટેન્શન, હૃદયની બીમારી, કોરોનરી આર્ટરી ડિસીઝ, ફેટી લિવર અને હાઈ કોલેસ્ટ્રોલની બીમારી થઈ શકે છે. દરમિયાન વજનને ઘટાડવુ સૌથી વધુ જરૂરી છે. જો એક્સરસાઈઝ બાદ પણ સ્થૂળતામાં ઘટાડો થઈ રહ્યો નથી તો અમુક મહિના ડાયટમાં દલિયાને સામેલ કરી લો.

દલિયા ખાવાથી શરીર પર વધતી ચરબી સરળતાથી ઘટવા લાગે છે. ખાસ વાત એ છે કે દલિયાને તમે ભરપેટ ખાશો તો પણ તેનાથી સ્થૂળતા ઘટી જાય છે. ફાઈબરથી ભરપૂર દલિયા આરોગ્ય માટે ખૂબ ફાયદાકારક માનવામાં આવે છે. વજન ઘટાડવા માટે દલિયાના પરિણામ કમાલના છે. તમારે માત્ર મહિનો આ ડાયટને ફોલો કરવાની છે. 

વજન ઘટાડવા માટે આ રીતે બનાવો દલિયા

સ્થૂળતા ઘટાડવા માટે લાભદાયી દલિયાને બનાવવા માટે તમને ઘઉં, બાજરી, મગની દાળ, ચોખા, તલ અને અજમા જેવી સામગ્રીની જરૂર પડશે. આ વસ્તુઓને મિક્સ કરીને તમે સરળતાથી નમકીન દલિયા બનાવી શકો છો. તેને નિયમિત ખાવાથી શરીર પર જમા થયેલી ચરબી ઘટવા લાગે છે. એટલુ જ નહીં, આ પૌષ્ટિક દલિયાને ખાવાથી આખો મહિનો તમે ખૂબ વજન પણ ઘટાડી શકો છો.

દલિયા શા માટે આટલા લાભદાયી છે

આ પ્રકારે બનાવવામાં આવેલા દલિયા ખૂબ ઓછી કેલેરીવાળા હોય છે. આ મલ્ટીગ્રેઈન દલિયામાં ભરપૂર પ્રોટીન હોય છે.

પ્રોટીનના સેવનથી મેટાબોલિઝ્મ બૂસ્ટ થાય છે અને ખાવાની ક્રેવિંગ્સ પણ ઓછી થાય છે. તેથી દલિયા વજન ઘટાડવામાં મદદ કરે છે.

દલિયામાં આખુ અનાજ હોય છે જે ફાઈબરથી ભરપૂર હોય છે. દલિયા ખાવાથી લાંબા સમય સુધી પેટ ભરેલુ રહે છે.

દલિયાને આરોગ્ય માટે પૂર્ણ આહાર માનવામાં આવે છે. તેનાથી શરીરને આયર્ન અને કાર્બોહાઈડ્રેટ યોગ્ય પ્રમાણમાં મળે છે.

આખો દિવસ એનર્જેટિક ફીલ કરવા માટે ડાયટમાં દલિયા જરૂર સામેલ કરો. તેનાથી તમને શરીરને એનર્જી મળે છે.