World Sight Day: આંખોની રોશની વધારવા અને તણાવ ઘટાડવા માટે કરો આ સરળ કસરત

                                                         Image Source: Freepik

અમદાવાદ, તા. 12 ઓક્ટોબર 2023 ગુરૂવાર

વર્લ્ડ સાઈટ ડે દર વર્ષે ઓક્ટોબરના બીજા ગુરૂવારે મનાવવામાં આવે છે. આ વખતે 12 ઓક્ટોબરે આખી દુનિયામાં મનાવવામાં આવશે. આને મનાવવા પાછળનું કારણ લોકોની વચ્ચે આંખ સાથે જોડાયેલી બીમારીને લઈને જાગૃતતા ફેલાવવાનું છે. આ વખતની થીમ છે લવ યોર આઈઝ એટ વર્ક. જેનો સાચો હેતુ આંખોની સારસંભાળને પ્રોત્સાહન આપવાનો છે. આ દિવસને મનાવવા પાછળનું કારણ અંધત્વને રોકવા અને આંખ સંબંધિત બીમારીનું તાત્કાલિક નિદાન મેળવવાનું છે.

વિશ્વમાં લગભગ 285 મિલિયન લોકો ઓછી દ્રષ્ટિ અને અંધત્વથી પીડિત છે, જેમાંથી 39 મિલિયન લોકો પૂર્ણ અંધત્વનો સામનો કરી રહ્યા છે. વર્લ્ડ સાઈટ દિવસ એક શક્તિશાળી રિમાઈન્ડર તરીકે કાર્ય કરે છે કે સ્વસ્થ દ્રષ્ટિ એક અનમોલ ભેટ છે જેને ક્યારેય સામાન્ય ગણવુ નહીં. આપણી વધતી ડિજિટલ દુનિયામાં સ્ક્રીન અને ડિવાઈસ આપણા દૈનિક જીવન પર હાવી છે. આ સુલભ અને ગુણવત્તાપૂર્ણ આંખનું સ્વાસ્થ્ય સારસંભાળની તાત્કાલિક જરૂરિયાત પર પ્રકાશ નાખવાનો પ્રયત્ન કરે છે. આંખોની રોશનીમાં સુધારા માટે ઘણી સરળ કસરત કરવામાં આવે છે અને તેને ગમે ત્યારે, ગમે ત્યાં કરવામાં આવી શકે છે.

પામિંગ

પામિંગમાં તણાવ અને થાકને ઘટાડવા માટે આંખોની આસપાસની માંસપેશીઓને આરામ આપવાનું સામેલ છે. પોતાના હાથોને ગરમ કરવા માટે તેને એકબીજા સાથે રગડો અને પછી પોતાની આંખો બંધ કરીને બંને હાથની હથેળીને ગાલના હાડકા પર મૂકો. પોતાના હાથોને આંખો પર મૂકો અને 3-5 મિનિટ સુધી ઊંડા શ્વાસ લો. 

પલક ઝપકાવવી

સ્ક્રીન અને ડિજિટલ સાધનો સાથે વધુ સમય પસાર કરવાના કારણે પલક ઝપકાવવાની ગતિ ધીમી થઈ જાય છે અને ડ્રાયનેસ પેદા થાય છે. સમયાંતરે પલક ઝપકાવવાથી આંખોમાં ભીનાશ રહે છે. આમાં આંખોને બંધ કરવી, 2-3 સેકન્ડ માટે રોકવી અને પછી તેને ખોલવી જોઈએ.

ડિજિટલ સાધનોના કારણે થતા તણાવને રોકવા માટે એક્સપોઝરની દર 20 મિનિટે 20 સેકન્ડ માટે લગભગ 20 ફૂટ દૂર કોઈ વસ્તુને જોવો. પહેલા જણાવાયેલી રીત સાથે આ રીતનો ઉપયોગ કરીને આંખ સંબંધિત થાકને ઘટાડવામાં ખૂબ મદદ મળી શકે છે.

આંખોને રોલ કરો

આંખોને ધીમેથી એક દિશામાંથી બીજી દિશામાં અને પછી પાછી ફરાવવાથી પણ આંખોના વિસ્તારમાં તણાવ અને દુખાવો ઘટાડવામાં ખૂબ મદદ મળે છે. આ કસરત આંખોના તણાવને ઘટાડવામાં મદદ કરે છે પરંતુ જો તમે આંખ સંબંધિત સમસ્યાઓ સામે ઝઝૂમી રહ્યા હોવ તો નિયમિત રીતે આંખોની તપાસ કરાવવી અને ડોક્ટરની સલાહ લેવી જોઈએ.