શું ડાયાબિટીસના દર્દીઓ માટે પેડીક્યોર નુકસાનકારક સાબિત થઈ શકે છે? જાણો હકીકત

                                                         Image Source: Freepik

અમદાવાદ, તા. 11 ઓક્ટોબર 2023 બુધવાર

ડાયાબિટીસ એક એવી બીમારી છે જેની સંપૂર્ણરીતે કોઈ સારવાર નથી. બસ તેમાં અમુક ત્યાગ છે જે તેને કંટ્રોલમાં રાખવામાં મદદ કરે છે પરંતુ ડાયાબિટીસ સાથે જોડાયેલી એક તકલીફ એ પણ છે કે તેમાં અમુક બીમારીઓનું જોખમ ખૂબ વધુ હોય છે. એટલે કે નાની ભૂલ પણ આમાં ઘણી બીમારીઓનું કારણ બની શકે છે. દરમિયાન આમાં જે કંઈ પણ કરો તે સમજી-વિચારીને કરો. આવુ જ એક કામ છે પેડીક્યોર જેમાં પગની સાફ-સફાઈ કરવામાં આવે છે. આમાં આંગળીઓના ડેડ સેલ્સ કાઢવામાં આવે છે અને નખને ઘસીને સાફ કરવામાં આવે છે. આ સિવાય એડી સહિત આખા પગને સ્ક્રબ કરીને સાફ કરવામાં આવે છે પરંતુ ડાયાબિટીસના દર્દીઓ માટે આ નુકસાનકારક હોઈ શકે છે. 

ડાયાબિટીસના દર્દીઓ, ખાસ કરીને અનિયંત્રિત બ્લડ શુગરના કારણે, બ્લડ સર્ક્યુલેશનમાં ઉણપ અને તંત્રિકા નુકસાન જેવી પગ સંબંધિત સમસ્યાઓનું જોખમ વધુ હોય છે અને પેડીક્યોર આ જોખમને વધારે છે.

શા માટે ડાયાબિટીસના દર્દીઓએ પેડીક્યોર કરવાનું ટાળવુ

1. પગમાં અલ્સરનું જોખમ

ડાયાબિટીસથી બ્લડ સર્ક્યુલેશન ઓછુ થઈ જાય છે, જેના કારણે બ્લડ સર્ક્યુલેશન ખરાબ થઈ જાય છે. જો પેડીક્યોર દરમિયાન કોઈ અણીદાર સાધનથી કોઈ ઈજા પહોંચે તો ઠીક ન થનાર અલ્સરનું કારણ બની શકે છે. આ લાંબા સમય સુધી રહે છે અને ઘણી વખત સ્થિતિને વધુ ખરાબ કરી શકે છે.

2. ડાયાબિટીક ન્યૂરોપેથી

ડાયાબિટીસ ચેતા નુકસાનનું કારણ બની શકે છે, જેનાથી સંવેદના એટલે કે સેન્સેશન ઓછુ થઈ શકે છે. જ્યારે તમે પોતાના પગમાં સંવેદનાનો અનુભવ કરી શકતા નથી, તો તમને કટ કે અન્ય ઈજા વિશે જાણ થઈ શકતી નથી અને આ ખૂબ ઝડપથી સંક્રમિત થઈ જાય છે. પેડીક્યોર દરમિયાન તમને કોઈ પણ કટની જાણ થઈ શકશે નહીં અને તે અંદરને અંદર વધુ ઊંડો ઘા શકે છે.

3. ફંગલ ઈન્ફેક્શન

પેડીક્યોર દરમિયાન સાફ-સફાઈ કર્યા વિનાના સાધનોનો ઉપયોગ ફંગલ ઈન્ફેક્શનના જોખમને વધારી શકે છે. તેની સારવાર કરવી ઘણી વખત મુશ્કેલ થઈ જાય છે. દરમિયાન જો તમને ડાયાબિટીસ છે તો તમારે ફંગલ ઈન્ફેક્શનના જોખમથી બચવુ જોઈએ. 

4. અંદર તરફ વધેલા નખ

પેડીક્યોર દરમિયાન નખને ખૂબ નાના કાપવાથી તે અંદર તરફ વધી શકે છે. ડાયાબિટીસના દર્દીઓ માટે પગની અંદરના નખ સરળતાથી સંક્રમણનું કારણ બની શકે છે. ક્યારેક સર્જરીની સ્થિતિ આવી શકે છે. આ દરમિયાન ઈન્ફેક્શન વધુ ફેલાઈ શકે છે તો તેનાથી ગ્રેંગ્રીન થઈ શકે છે કે જીવન બચાવવા માટે અંગ કાપવાની જરૂર પડી શકે છે.