'ટ્રમ્પ સાહેબ તમે આપેલો વાયદો નિભાવજો...', કથાકાર મોરારી બાપુનું નિવેદન

Morari Bapu On Donald Trump : રિપબ્લિકન ઉમેદવાર પૂર્વ પ્રમુખ ડોનાલ્ડ ટ્રમ્પ 2024માં 277 ઇલેક્ટોરલ વોટ સાથે અમેરિકન પ્રમુખપદની ચૂંટણી જીતવામાં સફળતા હાંસલ કરી છે. તેવામાં કથાકાર મોરારી બાપુના નિવેદનનો એક વીડિયો વાયરલ થઈ રહ્યો છે. જેમાં તેઓ ટ્રમ્પ અને દુનિયામાં ચાલી રહેલા યુદ્ધને અંગે વાત કરી રહ્યા છે. 

આ પણ વાંચો : 'હું ટ્રમ્પ સાથે વાત કરવા તૈયાર...', પુતિને મુક્ત મને કરી વાત, યુદ્ધનો અંત લાવવા સંકેત પણ આપ્યા!

મોરારી બાપુએ શું કહ્યું?

મોરારી બાપુએ કહ્યું કે, 'ટ્રમ્પ સાહેબે નિવેદન આપ્યું હતું કે, હું પ્રેસિડેન્ટ થઈશ તો યુદ્ધ રોકાવી દઈશ' જેને લઈને મોરારી બાપુએ કહ્યું કે, 'ટ્રમ્પ સાહેબ તમે આપેલો વાયદો નિભાવજો, મે તમારું નિવેદન સાંભળું છે, મને સારું લાગ્યું કે આ માણસ આવું કરે તો કેટલી સારી વાત છે. ભગવાન કરે આવું થાય...'