સાયલામાં બે જૂથ વચ્ચે અથડામણમાં છ લોકો ઈજાગ્રસ્ત, ત્રણની હાલત ગંભીર, પોલીસ બંદોબસ્ત ગોઠવાયો

Sayala News : સુરેન્દ્રનગર જિલ્લાના સાયલામાં જૂથ અથડામણની ઘટના બની છે. જેમાં બંને જૂથના છ જેટલાં લોકો ઈજાગ્રસ્ત થયા હતાં, જેમાંથી ત્રણ લોકોની હાલત ગંભીર હોવાનું જાણવા મળ્યું છે. સમગ્ર ઘટનાની જાણ થતાં પોલીસ દોડી આવીને સ્થિતિને કાબુમાં લીધી હતી. સમગ્ર ઘટના મામલે પોલીસે ગુનો નોંધીને વધુ તપાસ હાથ ધરી.

જૂથ અથડામણમાં છ લોકોને ઈજા

મળતી માહિતી પ્રમાણે, સાયલાની જસાપર ચોકડી પાસે આ જૂથ અથડામણની ઘટના ઘટી હતી, જેમાં એક જ જ્ઞાતિના બે જૂથો સામસામે આવી જતાં છ જેટલાં લોકોને ઈજાગ્રસ્ત પહોંચી હતી. જ્યારે ઈજાગ્રસ્તોને સારવાર અર્થે સાયલાની સરકારી હોસ્પિટલ ખાતે ખસેડવામાં આવ્યાં છે. જેમાંથી ત્રણ શખસની હાલત ગંભીર હોવાથી વધુ સારવાર માટે સુરેન્દ્રનગર મોકલવામાં આવ્યા છે. 

આ પણ વાંચો : VIDEO: 'ખેડૂતોને હેરાન શું કામ કરો છો...', સાંસદ ભરત સુતરીયાએ અધિકારીઓને ખખડાવ્યા

જ્યારે કયા કારણોસર જૂથ અથડામણની ઘટના બની તે જણાઈ આવ્યું નથી. જો કે, જૂથ અથડામણની ઘટનાને પગલે પોલીસ બંદોબસ્ત ગોઠવી દેવામાં આવ્યો છે. સમગ્ર ઘટનાને લઈને સાયલા પોલીસે ફરિયાદ નોંધીને આગળની કાર્યવાહી હાથ ધરી.