ઇન્સ્ટાગ્રામ ઉપર યુવતીના ફોટાવાળી રિલ્સ મુકી

અમદાવાદ, શનિવાર

સોશિયલ મિડિયાના સદ્ ઉપયોગની સાથે દૂરપયોગ વધારે થઇ રહ્યો છે. ગોમતીપુરમાં રહેતી યુવતીના ઇન્સ્ટાગ્રામ ઉપર સાઇબર રોમિયોએ યુવતના ફોટાવાળી રિલ્સ મૂકી હતી અને બિભત્સ વિડિયો અને મેસેજ કર્યા હતા. તેમજ યુવતીના ફોટા સાથેની સ્ટોરી ઉપર માય લવ લેખીને અજાણી વ્યક્તિ હેરાન પરેશાન કરી રહી હતી. આ બનાવ અંગે ગોમતીપુર પાલીસે ગુનો નોંધી વધુ તપાસ હાથ ધરી છે.

સાઇબર રોમિયોએ મેસેજ કરી તમે કોણ છો પૂછતાં બિભત્સ મેસેજ કરવા લાગતા યુવતીએ આઇડી બ્લોક કરી તો સહેલીને યુવતી વિશે બિભત્સ મેસેજ કર્યા

 ગોમતીપુરમાં રહેતી યુવતીએ ગોમતીપુર પોલીસ સ્ટેશનમાં અજાણી વ્યકિત સામે ફરિયાદ નોંધાવી છે કે યુવતી તા. ૧૯ના રોજ ઘરે હાજર હતી ત્યારે ફોનમાં ઇન્સ્ટાગ્રામ આઇડી ખોલીને જોયું તો યુવતના ફોટાવાળી રિલ્સ મૂકી હતી જોેઇને યુવતી ચોકી ગઇ હતી એટલું જ નહી બિભત્સ વિડિયો અને મેસેજ કર્યા હતા. તેમજ યુવતીના ફોટા સાથેની સ્ટોરી ઉપર માય લવ લેખેલું હતું.

યુવતીએ મેસેજ કરી તમે કોણ છો પૂછતાં બિભત્સ મેસેજ કરવા લાગતા યુવતીએ આઇડી બ્લોક કરી તો સોઇબર રોમિયોએ યુવતીની સહેલીને યુવતી વિશે બિભત્સ મેસેજ કર્યા હતા. જેથી અજાણી વ્યકિત બિભત્સ મેસેજ કરીને હેરાન પરેશાન કરી રહી હતી. આ ઘટના અંગે ગોમતીપુર પાલીસે ગુનો નોંધી વધુ તપાસ હાથ ધરી છે.