અમદાવાદથી વાયા સુરેન્દ્રનગર-રાજકોટ થઈ જૂનાગઢ સુધી દોડાવાશે સ્પેશિયલ ટ્રેન, જાણો સમય

Maha Shivratri Special Train: મહાશિવરાત્રિને લઈને હવે ગણતરીના દિવસો બાકી છે. ત્યારે જૂનાગઢમાં મહાશિવરાત્રિના મેળામાં સાધુ-સંતો સહિત મોટી સંખ્યામાં લોકો આવે છે. મેળામાં આવતાં હજારો લોકો માટે ભારતીય રેલવે દ્વારા વિશેષ ટ્રેનની વ્યવસ્થા કરવામાં આવી છે. પશ્ચિમ રેલવેએ રાજકોટ ડિવિઝનમાંથી પસાર થઈને વેરાવળ-ગાંધીગ્રામ મહાશિવરાત્રી મેળા સ્પેશિયલ ટ્રેન દોડાવવાનો નિર્ણય લેવાયો છે. રેલવે વિભાગ દ્વારા શરુ કરવામાં આવેલી આ સ્પેશિયલ ટ્રેન વિશેષ ભાડા પર દોડાવવામાં આવશે. 

ક્યારે ક્યાંથી ઉપડશે આ સ્પેશિયલ ટ્રેન? 

• ટ્રેન નંબર 09568: વેરાવળ-ગાંધીગ્રામ મહાશિવરાત્રી મેળા સ્પેશિયલ ટ્રેન વેરાવળથી 21:20 કલાકે ઉપડશે અને બીજા દિવસે સવારે 8:00 કલાકે ગાંધીગ્રામ પહોંચશે.
• ટ્રેન નંબર 09567: ગાંધીગ્રામ-વેરાવળ મહાશિવરાત્રી મેળા સ્પેશિયલ ટ્રેન 10:10 વાગ્યે ઉપડશે અને તે જ દિવસે સવારે 17:40 વાગ્યે વેરાવળ પહોંચશે.

આ પણ વાંચોઃ મહાકુંભના છેલ્લા સપ્તાહમાં મુસાફરોની મુશ્કેલી વધી, અમદાવાદથી પ્રયાગરાજ જતી 10 ટ્રેન રદ

ક્યારથી દોડશે આ ટ્રેન?

• ટ્રેન નંબર 09568: ઉપરોક્ત સમય મુજબ શિવરાત્રી મેળા સ્પેશિયલ ટ્રેન 23 ફેબ્રુઆરીથી 27 ફેબ્રુઆરી 2025 સુધી દોડાવવામાં આવશે. આ ટ્રેનમાં સ્લીપર અને જનરલ કોચ હશે.
• ટ્રેન નંબર 09567: ઉપરોક્ત સમય મુજબ 24 ફેબ્રુઆરી 2025 થી 28 ફેબ્રુઆરી 2025 સુધી દરરોજ ચાલશે.

આ પણ વાંચોઃ ઈન્સ્ટાગ્રામમાં 'તોફાની રાધા' નામથી જાણીતી યુવતીએ રાજકોટમાં જીવન ટૂંકાવ્યું, પિતાને અંતિમ ફોન કરી કહ્યું- હું જાઉં છું

કયા સ્ટેશન પર ઊભી રહેશે ટ્રેન?

• ટ્રેન નંબર 09568:  શિવરાત્રી મેળા સ્પેશિયલ ટ્રેન માળિયા હાટીના કેશોદ, જૂનાગઢ, જેતલસર, વિરપુર, ગોંડલ, ભક્તિનગર, રાજકોટ, વાંકાનેર, થાન, સુરેન્દ્રનગર જંક્શન, બોટાદ, ધંધુકા, ધોળકા, બાવળા અને સરખેજ સ્ટેશન પર ઊભી રહેશે. 
• ટ્રેન નંબર 09567: શિવરાત્રી મેળા સ્પેશિયલ ટ્રેન સરખેજ, બાવળા, ધોળકા, ધંધુકા, બોટાદ, ધોળા, ધસા, લાઠી, ચિતલ, વડિયા દેવળી, જેતલસર, જૂનાગઢ, કેશોદ અને માળિયા હાટીના સ્ટેશન પર ઊભી રહેશે.