મહેસાણાઃ માર્ગ અકસ્માતમાં યુવકના મોત પછી ભારેલો અગ્નિ, અનેક વાહનોને આગચંપી

Mehsana Accident: ગુજરાતના મહેસાણામાંથી ચોંકાવનારી ઘટના સામે આવી છે. મહેસાણાના ભાન્ડુમાં એક અકસ્માત સર્જાયો હતો. જેમાં ડમ્પરની અડફેટે એક યુવાનનું ઘટનાસ્થળે મોત નિપજ્યું હતું. અકસ્માત બાદ ત્યાં હાજર ટોળું ઉશ્કેરાઈ ગયું અને બબાલ કરી હતી. જેમાં તોડફોડ અને આગ ચંપીની ઘટના સામે આવી હતી.

શું હતો સમગ્ર બનાવ? 

મહેસાણાના ભાન્ડુ વિસ્તારમાં ડમ્પરે એક યુવાનને અડફેટે લેતા અકસ્માત સર્જાયો હતો. આ અકસ્માત એટલો ગંભીર હતો, જેના કારણે યુવકનું ઘટનાસ્થળે જ મોત નિપજ્યું હતું. અકસ્માતમાં યુવકની મોતથી ત્યાં હાજર લોકો રોષે ભરાયા હતાં અને ડમ્પર ચાલક સાથે બબાલ શરૂ કરી દીધી હતી. 

આ પણ વાંચોઃ વહીવટી વિલંબને લીધે કર્મચારીઓના પગાર ધોરણના લાભ નકારી ના શકાય: ગુજરાત હાઈકોર્ટ

યુવકના મોત બાદ ઉશ્કેરાયું ટોળું

યુવકના મોત બાદ મામલો એટલો વધી ગયો કે, ત્યાં હાજર લોકો હિંસા પર ઉતરી આવ્યા હતાં. ઉશ્કેરાયેલા ટોળાએ ત્યાં હાજ ટ્રેક્ટર અને બે બાઇકને આગ લગાવી સળગાવી દીધી હતી. આ સિવાય ત્યાં હાજર અન્ય વાહનોને પણ નુકસાન પહોંચાડવામાં આવ્યું હતું. 

આ પણ વાંચોઃ જામનગરના કાલાવડ પંથકમાંથી સગીરાનું અપહરણ : પાડોશમાં રહેતા યુવાન સામે ફરિયાદ

નોંધનીય છે કે, અકસ્માતમાં મૃતક વ્યક્તિ કે હિંસક ટોળાની ઓળખ થઈ શકી નથી. જોકે, આ હિંસક દ્રશ્ય દરમિયાન કોઈ જાનહાનિની ઘટના સામે આવી નથી. પરંતુ, ત્યાં હાજર માલ-સામાનને મોટી માત્રામાં નુકસાન પહોંચાડવામાં આવ્યું છે.