ડાંગમાં કમોસમી વરસાદથી ખેડૂતોની ચિંતા વધી, દક્ષિણ ગુજરાતમાં વરસાદની આગાહી

Gujarat Weather Forecast: ગુજરાતમાં કેટલાંક જિલ્લામાં ચાર દિવસ કમોસમી વરસાદની આગાહી વચ્ચે સોમવારે ડાંગ જિલ્લામાં વરસાદી છાંટા પડયા હતા. જ્યારે મંગળવારે સુરત સહિત દક્ષિણ ગુજરાતમાં માવઠાની આગાહી હવામાન વિભાગ દ્વારા કરવામાં આવી હતી. 

ડાંગમાં કમોસમી વરસાદથી ખેડૂતોની ચિંતા વધી

હવામાન વિભાગે ગીર સોમનાથ, અમરેલી, ભાવનગર, નર્મદા, તાપી, નવસારી, ડાંગ, વલસાડ અને દમણ દાદરા નગર હવેલીમાં કમોસમી વરસાદની આગાહી કરી છે. સોમવારે રાજ્યના છેવાડે આવેલ દક્ષિણ ગુજરાતના ડાંગ જિલ્લાના વાતાવરણમાં પલટો જોવા મળ્યો હતો. સવારથી જ વાદળછાયું વાતાવરણ નોંધાયું હતું. તો ગીરીમથક સાપુતારાના વાતાવરણમાં ઠંડક સાથે ધુમ્મસભર્યું વાતાવરણ જોવા મળ્યું હતું. આ સાથે જ આહવા તાલુકાના બોરખલ તેમજ વઘઈ તાલુકાના ખીરમાણી ગ્રામ્ય વિસ્તારોમાં કમોસમી વરસાદના છાંટા પડતા ખેડૂતો ચિંતામાં મુકાયા છે. 

આ પણ વાંચોઃ અમદાવાદ મ્યુનિ.માં ટોઈલેટ સફાઈ કૌભાંડ, મધ્યઝોનના ત્રણ વોર્ડમાં એક વર્ષમાં ૫૭ લાખથી પણ વધુ રકમ ચૂકવાઈ

સોમવારે સુરત શહેરનું મહત્તમ તાપમાન 38.2 ડિગ્રી, લઘુતમ તાપમાન 23.7 ડિગ્રી, હવામાં ભેજનું પ્રમાણ 17 ટકા, હવાનું દબાણ 1006.1 મિલીબાર અને ઉત્તર દિશામાંથી કલાકના આઠ કિ.મીની ઝડપે પવન ફૂંકાયા હતા. 

આ પણ વાંચોઃ કહાનવાડીની જમીનના વિવાદના પગલે આંકલાવ એપીએમસીમાં ભાજપને ઉમેદવાર જ ના મળ્યાં

અમદાવાદમાં તાપમાન 41ને પાર જતાં ગરમી વધશે 

અમદાવાદમાં 6 દિવસ બાદ સરેરાશ મહત્તમ તાપમાન 40 ડિગ્રીને પાર થયું છે. હવે આગામી પાંચ દિવસ દરમિયાન તાપમાન ૪૧ ડિગ્રીને પાર થતાં ગરમીમાં હજુ પણ વધારો થઈ શકે છે. હવામાન વિભાગ દ્વારા આવતીકાલથી બે દિવસ પોરબંદર, ભાવનગર, ગીર સોમનાથ, દીવ હીટ વેવની આગાહી કરવામાં આવી છે. રાજ્યમાંથી અન્યત્ર રાજકોટમાં 41.1, વડોદરામાં 40.2, અમરેલીમાં 40.1, ગાંધીનગરમાં 40, ભુજમાં 39.6, ભાવનગરમાં 38.8, સુરતમાં 38.2 ડિગ્રી સરેરાશ મહત્તમ તાપમાન નોંધાયું હતું.