જામનગરમાં ગટરના પાણીના નિકાલના પ્રશ્ને દંપત્તિ પર હુમલો : પાડોશી સામે ફરિયાદ

Jamnagar : જામનગરમાં નવાગામ (ઘેડ) ઇન્દિરા સોસાયટીમાં ગટરના પાણીના નિકાલના પ્રશ્ને બે પાડોશીઓ વચ્ચે તકરાર થયા બાદ એક દંપત્તી પર પાડોશીએ હુમલો કર્યાની ફરિયાદ પોલીસમાં નોંધાવાઈ છે.

 આ ફરિયાદ અંગેના બનાવની વિગત એવી છે કે જામનગરમાં નવાગામ ઘેડ ઇન્દિરા સોસાયટી શેરી નંબર 10 માં રહેતી અશ્વિનીબેન પ્રદીપભાઈ ચૌહાણ નામની 24 વર્ષની મહિલાએ પોતાના ઉપર તેમજ પોતાના પતિ પ્રદીપભાઈ પર લાકડાના ધોકા વડે હુમલો કરી ઇજા પહોંચાડવા અંગે પાડોશમાં જ રહેતા પંકજ ખવાસ સામે ફરિયાદ નોંધાવી છે.

 પોલીસ ફરિયાદમાં જાહેર કરાયા અનુસાર ફરિયાદી મહિલા અને તેના પતિને પાડોશમાં રહેતા પંકજ ખવાસ સાથે ગટરના પાણીના નિકાલ અને એઠવાડ નાખવાના પ્રશ્ને બબાલ થયા પછી આ હુમલો કરાયાનું પોલીસમાં જાહેર થયું છે.