હવે ગુજરાતના હવામાનમાં પલટો આવશે, હળવા વરસાદની સંભાવનાઃ અંબાલાલ પટેલની આગાહી

Meteorologist Ambalal Patel Predictions: ગુજરાતમાં હાલ મેઘરાજાએ વિરામ લીધો છે. પરંતુ નવરાત્રિના પાવન પર્વ દરમિયાન હવામાન નિષ્ણાત અંબાલાલ પટેલે મોટી આગાહી કરી છે. તેમની આગાહી અનુસાર, આગામી દિવસોમાં રાજ્યના હવામાનમાં બદલાવ આવશે. જેના કારણે વરસાદની પણ શક્યતાઓ રહેશે. 

દક્ષિણ ગુજરાતમાં હળવો વરસાદ થવાની સંભાવના

હવામાન નિષ્ણાત અંબાલાલ પટેલે કરેલી આગાહી અનુસાર, ઑક્ટોબર મહિનામાં બંગાળના ઉપસાગરમાં વાવાઝોડા સર્જાતા હોય છે. પરંતુ ચાલુ વર્ષે ઑક્ટોબર મહિનામાં અરબ સાગરમાં પણ વાવાઝોડાની શક્યતાઓ છે. જેના કારણે પાંચમી ઑક્ટોબરના રોજ રાજ્યના હવામાનમાં પલટો આવશે અને દક્ષિણ ગુજરાતમાં હળવો વરસાદ થવાની સંભાવના છે. 

આ પણ વાંચો: ગરબા મુદ્દે ગેનીબેન થયા ગરમ, સંઘવીને સણસણતો જવાબ, આપણે પાકિસ્તાન જવાની જરૂર નથી

ચોથી ઑક્ટોબરથી સાતમી ઑક્ટોબર સુધી દક્ષિણ ગુજરાતમાં છૂટાછવાયા સ્થળોએ હળવાથી મધ્યમ વરસાદની સંભાવના છે. જેમાં સુરત, તાપી, ડાંગ, નવસારી, વલસાડ, દમણ અને દાદરા નગર હવેલીનો સમાવેશ થાય છે. ઉલ્લેખનીય છે કે, રાજ્યના અન્ય જિલ્લાઓમાં આ દિવસો દરમિયાન વરસાદ નડશે નહીં અને ખેલૈયાઓ આ નવરાત્રિમાં મન મૂકીને ગરબે ઘૂમી શકશે.