અમદાવાદમાં મોદી સ્ટેડિયમમાં ચક્કર આવવાથી 300 જેટલા લોકો ઢળી પડ્યા,10ને હોસ્પિટલ ખસેડાયા

અમદાવાદઃ  (Ahmedabad)શહેરમાં નરેન્દ્ર મોદી સ્ટેડિયમમાં આજે ભારત અને પાકિસ્તાન વચ્ચે ક્રિકેટ મેચનો મુકાબલો થઈ રહ્યો છે. (Narendra Modi stadium)ત્યારે પોલીસ દ્વારા સજ્જડ બંદોબસ્ત ગોઠવી દેવામાં આવ્યો છે. (108 Emergency)બીજી બાજુ સ્ટેડિયમમાં લાખોની સંખ્યામાં દર્શકો આવ્યા હોવાથી મેડિકલ સુવિધાઓ પણ ઉભી કરવામાં આવી છે. ત્યારે ગરમીનું વાતાવરણ હોવાથી સ્ટેડિયમમાં સવારથી લઈને પાંચ વાગ્યા સુધીમાં ત્રણસોથી વધુ લોકોને ગભરામણ અને ચક્કર આવવાની ફરિયાદો થઈ હતી. જેમાં કેટલાક લોકો ચક્કર આવતાં પડી પણ ગયા હતાં. (300 people sick) આ દરમિયાન 108 ઈમર્જન્સી સેવા દ્વારા તેમને સારવાર અપાઈ હતી. તેમજ વધુ 10 લોકોને નજીકની હોસ્પિટલમાં સારવાર માટે ખસેડવામાં આવ્યા હતાં. 

બપોર પછી ગરમી વધતાં લોકોને ચક્કર આવવાની ફરિયાદો થઈ

અમદાવાદમાં સવારે 10 વાગ્યે તાપમાનનો પારો 31 ડીગ્રી હતો અને પવનની ગતિ  9 Kmph હતી. તેમજ ભેજનું પ્રમાણ પણ ઘટી ગયું હતું. જ્યારે અગિયાર વાગ્યાથી તાપમાનમાં વધારો થતાં 32 ડિગ્રીએ પહોંચી ગયું હતું. જેથી સ્ટેડિયમમાં લોકોને ગરમીનો અહેસાસ થયો હતો. ગરમીના માહોલની વચ્ચે કોઈપણ પ્રકારની શારીરિક તકલીફ થાય તો ઇમરજન્સી માટે સ્ટેડિયમમાં કુલ 12 જેટલી 108 એમ્બ્યુલન્સ રાખવામાં આવી છે. સ્ટેડિયમમાં આઈસીયુ બેડ સાથેની મીની હોસ્પિટલ ઊભી કરાઈ છે. જેમાં વેન્ટિલેટર સાથેના 6 બેડ મૂકવામાં આવ્યા છે. ડોક્ટર, નર્સ સહિત 54 સભ્યોની ટીમ મેચ દરમિયાન સ્ટેન્ડ ટુ રાખવામાં આવી છે.