સૌથી લાંબા પગવાળો કરોળિયો : ડેડી લોંગ લેગ સ્પાઇડર

કરોળિયા અજાયબ જીવ છે. જાળા બાંધવાની કરામત જાણતા આ એક માત્ર જંતુ સમગ્ર વિશ્વમાં જોવા મળે છે અને તે પણ હજારો જાતના હોય છે.

કરોળિયાના છ પગ તેના વિશિષ્ટ અંગ છે. પગ વડે જ તે જાળા ગૂંથે છે. સામાન્ય રીતે તેના પગ શરીરના કદના પ્રમાણમાં લાંબા હોય છે તેમાંય ડેડી લોંગ લેગ સ્પાઇડરના પગ સૌથી લાંબા છે.

અર્ધો સેન્ટીમીટર કદના આ કરોળિયાના પગ પાંચ સેન્ટીમીટર લાંબા હોય છે. ભેજવાળા અવાવરૃ મકાનો, ભોંયરા અને ગુફાઓમાં આ કરોળિયા હોય છે.  તેને જાળા બાંધતા આવડતું ન હોય તેમ ગૂંચવાડા ભર્યા જાળા બાંધે છે. આ કરોળિયાને આઠ આંખ હોય છે તેના શરીર પર કાળી લીટીઓ હોય છે.

માખી કે મચ્છર જેવા જીવ તેના જાળામાં ફસાય તો આ કરોળિયા શરીર ધ્રુજાવી જાળાને હલાવે છે એટલે શિકાર વધુ ગૂંચવાય છે. આ કરોળિયાને વાઇબ્રેટિંગ સ્પાઇડર પણ કહે છે. તેના ડંખ ઝેરી હોય છે અને બીજા કરોળિયાનો પણ શિકાર કરે છે.
 

---

For more update please like on Facebook and follow us on twitter

http://bit.ly/Gujaratsamachar

https://twitter.com/gujratsamachar