ફનટાઈમ .
પપ્પુ: ટેલર અંકલ, પેન્ટની સિલાઈના કેટલા રૂપિયા?
ટેલર: ત્રણસો રૂપિયા.
પપ્પુ: અને ચડ્ડીના?
ટેલર: દોઢસો રૂપિયા.
પપ્પુ: તો એક કામ કરો. આ કપડામાંથી મને ચડ્ડી બનાવી આપો, પણ હા, એની લંબાઈ આખો પગ ઢંકાઈ જાય એટલી રાખજો.
ટીચર: પપ્પુ, ચાર દિવસથી સ્કૂલે કેમ નહોતો આવ્યો?
પપ્પુ: ટીચર, મને બર્ડ ફ્લુ થઈ ગયો હતો.
ટીચર: જૂઠ્ઠું બોલે છે? બર્ડ ફ્લુ પક્ષીઓને થાય, માણસોને નહીં.
પપ્પુ: તમે રોજ મને મુરગો બનાવો છો. તમે મને માણસ ક્યાં રહેવા જ દીધો છે?
પપ્પા: પેપર કેવું ગયું?
પપ્પુ: પહેલો સવાલ રહી ગયો, ત્રીજો આવડતો નહોતો, ચોથા પર ધ્યાન જ ન ગયું ને પાંચમો અધૂરો રહી ગયો.
પપ્પા: ને બીજો સવાલ?
પપ્પુ: બસ, આ એકમાં જ ભૂલ રહી ગઈ!