પ્રાચીન કાળમાં ગણતરી .

આ જે આપણી પાસે ઝડપથી ગણતરી કરવા અને માહિતિ મેળવવા કે સંગ્રહ કરવા શક્તિશાળી કમ્પ્યુટર છે. કમ્પ્યુટરની શોધ પહેલાં અન્ય નાના મોટા યંત્રો અને મશિનો પણ શોધાયા. પરંતુ આ બધું નહોતું ત્યારે પણ માણસો ગણતરી અને અભ્યાસ કરતાં વિશ્વનું પ્રથમ કમ્પ્યુટર માણસ પોતે જ હતો.

પ્રાચીન કાળમાં ઈજિપ્તમાં એકથી નવના અંકોને ઊભી રેખા વડે અને દશની સંખ્યાને નળાકાર વડે દર્શાવાતી. એક પધ્ધતિની શરૂઆત ઈશુની પહેલી સદીમાં ભારતમાં થઈ હતી. ગણતરી કરવા માટે અનાજના દાણા, ચણોઠી, શંખ અને છિપલાનો ઉપયોગ થતો. ઈ.સ. ૩૦૦ના સમયગાળામાં બેબીલોનમાં લોકો સફેદ અને કાળા પથ્થરો કતારબંધ ગોઠવી ગણતરી કરતાં. માણસના બે હાથ દસ આંગળીને આધાર રાખી ગણતરીની પધ્ધતિ અમલમાં આવી. અગાઉના લોકો આંગળીના વેઢા ગણીને ગણતરી કરતાં. ગણતરી કરવાનું પ્રથમ સાધન અબાકસ હતું તો દશ સળિયામાં દસ દસ મણકા પરોવી બનતું. 

આજે પણ તે જોવા મળે છે. તાલીમ પામેલો માણસ અબાકસ વડે કમ્પ્યુટર કરતાં ય વધુ ઝડપથી ગણતરી કરી શકતો. ઈ.સ. ૧૬૧૭માં જ્હોન નેપિયરે યાંત્રિક ગણકયંત્ર શોધ્યા પછી સતત પ્રગતિ થઈને જાત જાતના કેલ્ક્યુલેટર અને કમ્પ્યુટરનો વિકાસ થયો. આ વિકાસમાં વીજળી ક્ષેત્રની શોધોનો ફાળો મહત્વનો છે. વીજળી અને ચુંબકીય શક્તિના ઉપયોગથી ઈલેક્ટ્રોનિક ક્ષેત્રમાં હરણફાળ વિકાસ થયો છે.