સાયલામાં દારૃ-મારામારીના ગુનામાં ફરાર બે આરોપી ઝડપાયા

- એકની ટીટોડાના બસ સ્ટેન્ડ બીજાની ધાંધલપુર ચોકડી પાસેથી ધરપકડ 

સુરેન્દ્રનગર : સુરેન્દ્રનગર જિલ્લામાંથી પ્રોહિબીશન તેમજ મારામારીના ગુનામાં નાસતા ફરતા બે આરોપીને ઝડપી પાડયા છે. એલસીબી પોલીસે ટીટોડાના બસ સ્ટેન્ડ અને ધાંધલપુર ચોકડી પાસેથી ઝડપી કાર્યવાહી હાથ ધરી છે. 

સુરેન્દ્રનગરના સાયલા તાલુકામાં પેટ્રોલિંગ દરમિયાન એલસીબી ટીમે ધજાળા પોલીસ મથકના પ્રોહિબીશનના ગુનામાં નાસતા ફરતા આરોપી લાલાભાઈ જયંતીભાઈ સરવૈયા (રહે.નાના હરણીયા તા.સાયલા)ને ટીટોડા ગામના બસ સ્ટેન્ડ પાસેથી ઝડપી પાડયો હતો જ્યારે બીજા બનાવમાં ધજાળા પોલીસ મથકના મારામારીના ગુનામાં નાસતા ફરતા આરોપી ભરતભાઈ વશરામભાઈ સાનીયા (રહે.અડાળા તા.સાયલા)ને ધાંધલપુર ચોકડી પરથી ઝડપી લીધો હતો. બન્ને શખ્સો વિરૃદ્ધ કાર્યવાહી કરી ધજાળા પોલીસ મથકે સોંપવામાં આવ્યા હતા.