થાનની સગીરાને અડપલા કરનાર ફરાર આરોપી ઝડપાયો

- પોસ્કોના કેસનો આરોપી ખાખરાથળ વીડમાં સંતાયો

- આરોપીએ સગીરાને છરી બતાવી શારીરિક અડપલા કર્યા હતા

સુરેન્દ્રનગર : થાન તાલુકાના ગ્રામ્ય પંથકની સગીરાને અડપલા કરનાર આરોપીને પોલીસે ઝડપી પાડયો છે. પોસ્કોના ગુનામાં ફરાર આરોપીને પોલીસે ખાખરાથળ વીડમાંથી ઝડપી પાડી કાર્યવાહી હાથ ધરી છે.

થાન તાલુકામાં રહેતા એક મજુરીકામ કરતા પરિવારની સગીર દિકરીને ગત તા.૦૭ નવેમ્બરના રોજ પાડોશમાં રહેતો શખ્સ ગોવિંદભાઈ ભીમાભાઈ સારલાએ છરી બતાવી સગીરાને જાનથી મારી નાંખવાની ધમકી આપી પોતાના ઘરે લઈ ગયો હતો. જ્યાં બાથરૃમમાં લઈ જઈ શારીરિક અડપલા કર્યા હતા. જોકે, સગીરાએ બુમાબુમ કરતા આરોપી સગીરાને રૃમમાં પુરી નાસી છુટયો હતો. આ બનાવ અંગે સગીરાની માતાએ થાન પોલીસ મથકે ફરિયાદ નોંધાવતા પોલીસે પોક્સો એક્ટ હેઠળ ગુનો નોંધી તપાસ હાથ ધરી હતી. દરમિયાન થાન પોલીસે ફરાર આરોપીને ખાખરાથળ વીડમાંથી ઝડપી પાડયો હતો.