વઢવાણમાંથી જુગાર રમતા આઠ શખ્સો પકડાયા

- ખડના ડેલામાં દરોડો 

- 10 હજાર ઉપરાંતનો મુદ્દામાલ કબજે કરી કાર્યવાહી કરી

સુરેન્દ્રનગર : વઢવાણ ધોળીપોળ વિસ્તારમાં આવેલા ખડના ડેલામાં વઢવાણ પોલીસે દરોડો કરી જુગાર રમતા ૮ શખ્સોને રોકડા રૂા.૧૦,૪૪૦ના મુદ્દામાલ સાથે ઝડપી લઇ કાયદેસર કાર્યવાહી હાથ ધરી છે.

વઢવાણ પોલીસ ટીમ શહેરી વિસ્તારમાં પેટ્રોલિંગમાં હતી. તે દરમિયાન બાતમી મળી હતી કે, વઢવાણ ધોળીપોળ નજીક આવેલા ખડના ડેલામાં અમુક શખ્સો જાહેરમાં જુગાર રમી રહ્યાં છે. આથી પોલીસે બાતમીવાળી જગ્યાએ દરોડો પાડયો હતો. 

જેમાં જુગાર રમતા રફીકશા ભીખુશા દીવાન, આરીફભાઇ જુસબભાઇ મીણપરા, અનવરભાઇ યાકુબભાઇ કગથળા, લતીફભાઇ કાસમભાઇ ભાષ, પ્રવિણભાઇ કેશાભાઇ શ્રીમાળી, ઇમ્તીયાઝભાઇ અકબરભાઇ મલેક, ફીરોઝભાઇ હકીમભાઇ મોહાત અને રસીદભાઇ અકબરભાઇ કોંઢીયાને ઝડપી લીધા હતાં. 

પોલીસે સ્થળ પરથી રોકડા રૂા.૧૦,૪૪૦ સહીતનો મુદ્દામાલ કબજે કરી તમામ શખ્સો વિરૂધ્ધ ગુનો નોંધી કાયદેસર કાર્યવાહી હાથ ધરી છે.