ધ્રાંગધ્રામાં મેઇન બજારમાં લાગી ભીષણ આગ, 15 જેટલી દુકાનો ઝપેટમાં, ફાયરની ટીમ ઘટનાસ્થળે

સુરેન્દ્રનગરમાંથી મોટા સમાચાર મળી રહ્યા છે જેમાં  મેઇન બજારની કાપડ બજારમાં આગ લાગવાની ઘટના બની છે જેમાં 15 જેટલી દુકાનો ઝપેટમાં આવી ગઈ છે. ઘટનાની જાણ થતા જ ફાયર ફાયટરની ટીમ ઘટનાસ્થળે પહોંચી ગઇ છે અને આગ પર કાબુ મેળવવા પ્રયત્નો કરી રહ્યા છે. જો કે ચીફ ઓફિશરે જણાવ્યું હતું કે, હાલ સુધી કોઈને જાનહાનિ થઇ નથી. 

🔥સુરેન્દ્રનગર
🔥ધ્રાંગધ્રા મેઇન બજારમાં કાપડની દુકાનમાં આગ લાગતા અફરાતફરી સર્જાઇ
🔥મેઇન રોડ પર આવેલ કાપડની દુકાનમાં આગ લાગ્યા બાદ અન્ય પાંચથી વધુ દુકાનો પણ આગ પ્રસરી
🚒ધ્રાંગધ્રા ફાયરની ટીમ દ્વારા આગને કાબુમાં લેવાના પ્રયાસો હાથ ધરવામાં આવ્યા, વેપારીઓને મોટા નુકસાનની આશંકા#fire pic.twitter.com/pg0mFcqaoO

— DD News Gujarati (@DDNewsGujarati) November 7, 2023

આગ પર કાબૂ મેળવવા 10થી વધુ ફાયર ફાઈટરો પ્રયાસ કરી રહ્યા છે

પ્રાપ્ત વિગતો મુજબ ધ્રાંગધ્રા શહેરના રાજકમલ ચોકમાં વહેલી સવારે મેઇન બજારમાં આગ લાગવાને કારણે રેડીમેઇડ કપડા, સાડી, ક્ટલેરી, લેડીઝ આઇટમો સહિતની અંદાજે 15 જેટલી દુકાનો ઝપેટમાં આવી જતા માલ સામાન બળીને ખાખ થયો હતો. આગ લાગવાની ઘટનાને પગલે બજારમાં અફરાતફરી સર્જાઈ હતી. હાલ આગને કાબૂમાં કરવા 10થી ફાયર ફાઈટરો પ્રયાસ કરી રહ્યા છે તેમજ આર્મીના 50 જવાનો તૈનાત કરવામાં આવ્યા છે. આગને કાબૂમાં લેવા માટે વિરમગામથી ફાયર ફાઈટરો બોલાવવામાં આવ્યા છે. ચીફ ઓફિસરના જણાવ્યા અનુસાર આગને કારણે કોઈ મોટી જાનહાની થઈ નથી. હાલ આ આગનું કારણ સામે આવ્યું નથી.