ખંભલાવ પગપાળા દર્શેને જતા વઢવાણના શખ્સનું વાહનની અડફેટે મોત

- લીંબડી-સુરેન્દ્રનગર હાઈવે પર સમલા બસ સ્ટેન્ડ પાસે અકસ્માત

- ઈજાગ્રસ્તનું સારવાર દરમિયાન મોત, પોલીસે અજાણ્યા વાહનચાલક સામે ગુનો નોંધ્યો

 લીંબડી : લીંબડી-સુરેન્દ્રનગર હાઈવે પર સમલા બસ સ્ટેન્ડ પાસે વઢવાણથી ખંભલાવ પગપાળા માતાજીના દર્શને જઈ રહેલા વ્યક્તિને અજાણ્યા વાહન ચાલકે હડફેટે લેતાં અકસ્માત સર્જાયો હતો. અકસ્માતમાં એક વ્યક્તિને ગંભીર ઈજાઓ પહોંચતાં સારવાર દરમિયાન મોત નીપજ્યું હતું.

વઢવાણ ગડીયા હનુમાનજી મંદિર પાસે ખારવાની પોળમાં રહેતા હરીસંગ ડાહ્યાભાઈ સગર વઢવાણથી લીંબડી તાલુકાના ખંભલાવ ગામે આવેલા કુળદેવી માતાજીના દર્શનાર્થે પગપાળા જવા નીકળ્યા હતા. લીંબડી-સુરેન્દ્રનગર હાઈવે પર સમલા ગામના બસ સ્ટેન્ડ પાસે પહોંચતાં કોઈ અજાણ્યા વાહન ચાલકે તેમને હડફેટે લેતાં અકસ્માત સર્જાયો હતો. અકસ્માતમાં હરીસંગભાઇને ગંભીર ઈજાઓ પહોચી હતી. ઇજાગ્રસ્ત હરીસંગભાઇને સારવાર અર્થે વઢવાણ સરકારી હોસ્પિટલમાં ખસેડવામાં આવ્યા હતાં. જ્યાં તેમને પ્રાથમિક સારવાર આપીને વધુ સારવાર અર્થે સુરેન્દ્રનગરની હોસ્પિટલમાં ખસેડવામાં આવ્યા હતાં. જ્યાં સારવાર દરમિયાન તેમનનંુ મોત નીપજ્યું હતું. મૃતકના પુત્ર પૃથ્વીરાજસિંહ હરીસંગ સગરએ લીંબડી પોલીસ સ્ટેશનમાં ફરિયાદ નોંધાવતા પોલીસે અકસ્માત સર્જનાર અજાણ્યા વાહન ચાલક વિરૃધ્ધ અકસ્માત અંગેનો ગુનો નોંધીને તપાસ હાથ ધરી હતી.