શેખપરમાંથી વિદેશી દારૂ સાથે એક શખ્સ ઝડપાયો

- વિદેશી દારૂ, મોટરસાયકલ તેમજ મોબાઇલ સહીત કુલ રૂા.૫૩,૨૦૦નો મુદ્દામાલ જપ્ત

સુરેન્દ્રનગર : મુળી પોલીસ ટીમે મુળી તાલુકાના શેખપર ગામના બસ સ્ટેશન પાસેથી મોટરસાયકલમાં દારૂની હેરફેર કરતા શેખપર ગામના માધવસિંહ રાજેન્દ્રસિંહ ઝાલાને વિદેશી દારૂની એક બોટલ સાથે ઝડપી લીધા હતા .

તેમજ અન્ય મુદ્દામાલ અંગે પુછપરછ કરતા બીજો વિદેશી દારૂ પોતાના રહેણાંક મકાને ફળીયામાં છુપાવેલો હોવાનું જણાવતા પોલીસે ફળીયામાં દિવાલ પાછળ પતરાના ડબ્બામાંથી વધુ ૯ વિદેશી દારૂની બોટલો ઝડપી લીધી હતી.

 પોલીસે કુલ ૧૦ વિદેશી દારૂની બોટલો, એક મોબાઇલ ફોન અને મોટરસાયકલ સહીત કુલ રૂપિયા ૫૩૨૦૦ ના મુદ્દામાલ સાથે માધવસિંહ ઝાલાને ઝડપી લઇ પુછપરછ કરતા આ દારૂ શેખપર ગામના જ દિવ્યરાજસિંહ ઉર્ફે મોન્ટુ જનકસિંહ પરમાર પાસેથી લાવ્યા હોવાની કબુલાત કરતા પોલીસે બન્ને શખ્સો વિરૂધ્ધ ગુન્હો નોંધી કાયદેસર કાર્યવાહી હાથ ધરી હતી.