VIDEO: દિગ્ગજ ક્રિકેટરો લંડનની ગલીઓમાં બોલિવૂડનું ગીત ગાતા દેખાયા

Funny video of Team India Players viral: ટીમ ઈન્ડિયાના ખેલાડીઓનો મસ્તી કરતો એક વીડિયો હાલમાં સોશિયલ મીડિયા પર વાયરલ થઈ રહ્યો છે. આ વીડિયોમાં ભારતીય ક્રિકેટ ટીમના સ્ટાર લેગ સ્પિનર ​​યુઝવેન્દ્ર ચહલ, પૂર્વ ફાસ્ટ બોલર આશિષ નેહરા અને ક્રિકેટ કોમેન્ટેટર ગૌરવ કપૂર જોવા મળી રહ્યા છે. આ દરેક હાલમાં લંડનના રસ્તા પર મસ્તી કરતાં જોઈ શકાય છે.

ચહલ, નેહરા અને ગૌરવ લંડનમાં મસ્તી કરતાં જોવા મળ્યા 

તાજેતરમાં સોશિયલ મીડિયા પર એક વીડિયો વાયરલ થઈ રહ્યો છે. આ વીડિયોમાં ત્રણેય મસ્તી કરતાં જોઈ શકાય છે. લંડનના રસ્તાઓ પર ફરતી વખતે તેઓએ એક વીડિયો  બનાવ્યો છે. આ વીડિયોમાં હિન્દી ગીત પણ સંભળાઈ રહ્યું છે, આ ગીત પર ગાતાં- ગાતાં મસ્તીથી ફરી રહ્યા છે. વીડિયોની શરૂઆતમાં ગૌરવ કપૂર જોવા મળે છે, ત્યારબાદ આશિષ નેહરા અને યુઝવેન્દ્ર ચહલ પણ વીડિયોમાં જોઈ શકાય છે. આ ત્રણેય હિન્દી ગીત 'જિંદગી મિલકર બિતાયેંગે, હાલે દિલ ગા કર સુનાયેગે' પર એકસાથે લિપ-સિંક કરતા જોવા મળે છે. આ દરમિયાન વીડિયોના બેકગ્રાઉન્ડ લંડનની ખૂબસુરતી જોઈ શકાય છે. વીડિયોમાં ત્યાની સુંદર લાઇટિંગ પણ જોઈ શકાય છે.

યુઝવેન્દ્ર ચહલ હાલમાં છે ટીમ ઈન્ડિયાથી બહાર 

તમને જણાવી દઈએ કે, યુઝવેન્દ્ર ચહલ હાલમાં ટીમ ઈન્ડિયાથી બહાર છે. તે ODI વર્લ્ડ કપ 2023ની ટીમથી પણ બહાર હતો. ત્યાર બાદ તેને ટી20 વર્લ્ડ કપ 2024ની ટીમમાં તક મળી હતી, પરંતુ પ્લેઈંગ ઈલેવનમાં તેનો સમાવેશ કરવામાં આવ્યો નહોતો. આશિષ નેહરા હાલમાં ઇન્ડિયન પ્રીમિયર લીગ (IPL)માં ગુજરાત ટાઇટન્સના કોચ છે. ગૌરવ કપૂર પણ કોમેન્ટ્રી કરતો જોવા મળે છે.