મેદાનમાં ઘૂસ્યો યુવક, અફઘાનિસ્તાનના ખેલાડીનો કોલર પકડ્યો: ચેમ્પિયન્સ ટ્રોફીમાં પાકિસ્તાન સુરક્ષા આપવામાં નિષ્ફળ

Image: X

Champions Trophy 2025: આઈસીસી ચેમ્પિયન્સ ટ્રોફી 2025માં પાકિસ્તાનની સુરક્ષા વ્યવસ્થા પર ખૂબ સવાલ ઊભા થઈ રહ્યાં છે. બાંગ્લાદેશની સામે મેચ દરમિયાન એક ચાહક રચિન રવિન્દ્રના ગળે મળ્યો હતો. અફઘાનિસ્તાનની ટીમ જ્યારે ઈંગ્લેન્ડની સામે જશ્ન મનાવી રહી હતી. ત્યારે મેદાનથી ભાગીને આવેલો એક ચાહક સીધો ખેલાડીની પાસે આવ્યો અને તેનો કોલર પકડી લીધો. આ ઘટનાની તસવીર ખૂબ વાઈરલ થઈ તો પાકિસ્તાનની સિક્યોરિટી પર પણ સવાલ ઊભા થઈ રહ્યાં છે.

અફઘાન ખેલાડીનો ચાહકે પકડ્યો કોલર

લાહોરના મેદાનમાં અફઘાનિસ્તાને ઈંગ્લેન્ડની સામે પહેલા રમતાં 325 રનનું વિશાળ ટોટલ બનાવ્યું. તેના જવાબમાં અફઘાનિસ્તાનની ટીમે જ્યારે આઠ રનથી જીત નોંધાવી તો એક ચાહક મેદાનમાં ભાગતા સીધો અફઘાની ખેલાડીઓની વચ્ચે જતો રહ્યો. આ દરમિયાન ખેલાડીઓથી જ્યારે ચાહકને અલગ કરવામાં આવી રહ્યો હતો તો તેણે અફઘાનિસ્તાનના એક ખેલાડીનો કોલર પકડી લીધો જ્યારે બાદમાં તેને પાકિસ્તાનના સિક્યોરિટી ગાર્ડ મેદાનથી ઘસેડીને બહાર લઈ ગયા. આ ઘટનાની તસવીરો સામે આવી તો સમગ્ર દુનિયાના ચાહકો પાકિસ્તાનની સિક્યોરિટીનું મજાક બનાવી રહ્યાં છે.

આ પણ વાંચો: ચેમ્પિયન્સ ટ્રોફી સેમિફાઇનલ પહેલા મોટા સમાચાર, શમી ટીમ ઈન્ડિયાથી બહાર થાય તેવી શક્યતા

રચિન રવિન્દ્રની સાથે પણ થયું આવું

આ પહેલા ન્યૂઝીલેન્ડનો રચિન રવિન્દ્ર જ્યારે બાંગ્લાદેશની સામે બેટિંગ કરી રહ્યો હતો. ત્યારે સુરક્ષા તોડીને એક ચાહક મેદાનમાં ઘૂસ્યો અને બાદમાં તેનું કનેક્શન આતંકી જૂથ સાથે નીકળ્યું. આ ચાહકે રચિનને પાછળથી પકડવાનો પ્રયત્ન પણ કર્યો હતો પરંતુ તે કંઈક કરે તે પહેલા સુરક્ષા કર્મચારી તેને પકડીને મેદાનથી બહાર લઈ ગયા અને ઘૂસણખોરોની ધરપકડ કરી લીધી હતી.