માત્ર 11 રન બનાવીને કોહલીથી આગળ નીકળી જશે જયસ્વાલ, દ્રવિડને પાછળ છોડવાની તક

IND vs AUS, Yashasvi Jaiswal : ભારત અને ઓસ્ટ્રેલિયા વચ્ચેની ચોથી ટેસ્ટ મેચ 26 ડિસેમ્બરથી મેલબોર્નમાં રમાશે. હાલમાં સીરિઝ 1-1થી બરાબર છે. અહીં તમને જણાવી દઈએ કે યશસ્વી જયસ્વાલ ચોથી ટેસ્ટ મેચ દરમિયાન ઇતિહાસ રચી શકે છે. જયસ્વાલ પાસે વિરાટ કોહલીનો શાનદાર રૅકોર્ડ તોડવાની તક હશે. આ વર્ષે જયસ્વાલે અત્યાર સુધીમાં 14 ટેસ્ટમાં 1312 રન બનાવ્યા છે. જેમાં 3 સદી અને 7 અડધી સદી સામેલ છે. 

11 રન કરી જયસ્વાલ કોહલીને પાછળ છોડી દેશે

હવે જો જયસ્વાલ ચોથી ટેસ્ટ મેચમાં 11 રન બનાવવામાં સફળ રહેશે તો તે કોહલીને પાછળ છોડી દેશે. ટેસ્ટના એક કેલેન્ડર વર્ષમાં વિરાટ કોહલીએ વર્ષ 2018માં 1322 રન બનાવ્યા હતા. તે દરમિયાન કોહલીએ 5 સદી અને 5 અડધી સદી ફટકારવામાં સફળતા મેળવી હતી. વર્ષ 2013માં કોહલીની સરેરાશ 55.08 રહી હતી.

વિરાટ કોહલીએ 54.33ના સ્ટ્રાઇક રેટ સાથે રન બનાવ્યા હતા. હવે જો જયસ્વાલ 11 રન બનાવવામાં સફળ રહેશે તો તે કેલેન્ડર વર્ષમાં સૌથી વધુ રન બનાવવાના મામલે કોહલીને પાછળ છોડી દેશે. 11 રન બનાવ્યા બાદ જયસ્વાલના નામે આ વર્ષે 1323 રન થઈ જશે.

ભારત અને ઓસ્ટ્રેલિયા વચ્ચેની ચોથી ટેસ્ટ મેચ મેલબોર્નમાં રમાશે

અહીં તમને જણાવી દઈએ કે સીરિઝની ચોથી ટેસ્ટ મેચ મેલબોર્નમાં રમાશે. મેલબોર્નમાં ભારત અને ઓસ્ટ્રેલિયા વચ્ચે અત્યાર સુધીમાં કુલ 14 ટેસ્ટ મેચ રમાઈ હતી. જેમાં ભારતે 8 મેચમાં જીત તો ઓસ્ટ્રેલિયાએ 4 મેચ જીતી હતી. તે જ સમયે બે ટેસ્ટ મેચ ડ્રો થઈ રહી હતી.

ટેસ્ટ ક્રિકેટમાં એક કેલેન્ડર વર્ષમાં ભારત માટે સૌથી વધુ રન બનાવનાર બેટર  

બેટર                          વર્ષ          રન

વિરેન્દ્ર સેહવાગ          2010       1422

સુનિલ ગાવસ્કર         1979       1407

સચિન તેંડુલકર    2002 1392

ગુંડપ્પા વિશ્વનાથ 1979 1388

રાહુલ દ્રવિડ 2002 1357

વિરાટ કોહલી         2018    1322