IND vs PAK : ભારત-પાકિસ્તાન મેચ માટે દર્શકોથી ખીચોખીચ ભરેલું નરેન્દ્ર મોદી સ્ટેડિયમ, સામે આવી તસવીરો

World Cup 2023 : ક્રિકેટના મહાકુંભ એટલે કે ODI World Cup 2023માં આજે ભારત અને પાકિસ્તાન વચ્ચે મહામુકાબલો થઇ રહ્યો છે. બંને ટીમો વચ્ચેની આ મેચ અમદાવાદના નરેન્દ્ર મોદી સ્ટેડિયમમાં રમાઈ રહી છે. આ ODI World Cup 2023ની 12મી મેચ છે. ભારત અને પાકિસ્તાન વચ્ચે રમાઈ રહેલી મેચ જોવા માટે ખુબ મોટી સંખ્યામાં દર્શકો આવ્યા છે.

BCCIએ શેર કરી સ્ટેડિયમની તસવીરો

અમદાવાદના સ્ટેડિયમની ક્ષમતા 1,30,000 લોકોની છે. આ દુનિયાનો સૌથી મોટો સ્ટેડિયમ છે. આટલી વધારે ક્ષમતા ધરાવતું સ્ટેડિયમ દર્શકોથી ખીચોખીચ ભર્યું છે. BCCI તરફથી સ્ટેડિયમની ખુબ જ સુંદર તસવીરો શેર કરવામાં આવી છે. આ તસવીરોમાં સ્ટેડિયમ ખીચોખીચ ભરેલું દેખાઈ રહ્યું છે. સમગ્ર સ્ટેડિયમમાં બ્લુ જર્સીમાં દર્શકો દેખાઈ રહ્યા છે.

ભારતે સતત 7 વખત પાકિસ્તાનને હરાવ્યું

ODI World Cup 2023માં ભારત અને પાકિસ્તાનની ટીમ પોતપોતાની ત્રીજી મેચ રમી રહી છે. બંને ટીમો અત્યાર સુધી રમાયેલી પોતાની બંને મેચ જીતી ચુકી છે. ODI World Cupના ઈતિહાસમાં આ ભારત અને પાકિસ્તાન વચ્ચેની આઠમી મેચ છે. અત્યાર સુધી રમાયેલી 7 મેચોમાં ભારતે દરેક મેચ જીતી છે.