રોહિત શર્માએ વિરાટ કોહલી સહિત અન્ય ખેલાડીઓની કરી નકલ, વીડિયો ધુમ વાયરલ

હાલમાં સોશિયલ મીડિયા પર એક જોરદાર વીડિયો વાયરલ થઈ રહ્યો છે, જેમા ભારતીય ક્રિકેટ ટીમના કેપ્ટન રોહિત શર્માના સાથી વિરાટ કોહલીને વિકેટ મળે છે તે દરમિયાન મેદાનમાં વિરાટ તેનો જે રીતે આનંદ લઈ જશ્ન મનાવતા હોય છે તે અંદાજની હુબહુ નકલ કરી હતી. આ વીડિયો બીસીસીઆઈના એવોર્ડ સમારોહનો છે. જે ગત તા. 23 જાન્યુઆરીના રોજ હૈદરાબાદમાં યોજાયો હતો, ત્યાં કેટલાક વર્તમાન અને પૂર્વ ભારતીય ક્રિકેટરોને વિવિધ શ્રેણીઓમાં સન્માનિત કરવામાં આવ્યા હતા.

Rohit sharma imitating Kohli's aggressive celebration and other teammates 😅#INDvsENG | #INDvENGpic.twitter.com/PWE99AyQyC

— Don Cricket 🏏 (@doncricket_) January 27, 2024

રોહિતે અન્ય સાથીઓની પણ નકલ કરી

એવોર્ડ સમારોહમાં એક ઈન્ટરવ્યૂ દરમિયાન એંકરે ભારતીય ક્રિકેટ ટીમના કેપ્ટન રોહિત શર્માને તેમના સાથી ખેલાડીઓની કોપી કરવાની તક આપી હતી. ખેલાડીઓના નામ લેતાની સાથે રોહિત દરેકની નકલ કરી રહ્યો હોય છે. સૌથી પહેલા તેણે તેના પુલ શોટની નકલ કરી હતી. પછી રોહિતે જસપ્રીત બુમરાહની બોલિંગની એક્શન અને સૂર્યકુમાર યાદવનો સુપલા શોટની નકલ કરી હતી. ત્યાર બાદ રોહિતે વિરાટ કોહલીના જશ્નની, મહેન્દ્ર ધોનીના હેલીકોપ્ટર શોટ અને સચિન તેંડુલકરના અપર કટના અંદાજની નકલ કરી બતાવી હતી.