વિરાટ કોહલીથી ડર્યો દિગ્ગજ ઓસ્ટ્રેલિયન બેટર, કહ્યું - 'હારી જવું અલગ વાત છે પણ એની સદી...'
Updated: Dec 4th, 2024
Image: Facebook
Michael Clarke: ભારત અને ઓસ્ટ્રેલિયાની વચ્ચે પાંચ મેચોની સિરીઝની બીજી ટેસ્ટ મેચ એડિલેડ ઓવલ મેદાન પર 6 ડિસેમ્બરથી રમાવાની છે. પિંક બોલથી રમાનારી આ મેચ ડે-નાઈટ ટેસ્ટ હશે અને તેની તૈયારીમાં બંને ટીમો લાગેલી છે. ઓસ્ટ્રેલિયાને સિરીઝની પહેલી ટેસ્ટ મેચમાં 295 રનથી શરમજનક હારનો સામનો કરવો પડ્યો હતો., પરંતુ ડે-નાઈટ ટેસ્ટમાં મેજબાન ટીમને જીતના પ્રબળ દાવેદાર તરીકે જોવામાં આવી રહી છે. ઓસ્ટ્રેલિયાએ આજસુધી લગભગ એક જ ડે-નાઈટ ટેસ્ટ મેચ ગુમાવી છે. એડિલેડના આ મેદાન પર ડે-નાઈટ ટેસ્ટથી જોડાયેલી ભારતની પણ ભયાવહ યાદ જોડાયેલી છે, જ્યારે ટીમ ઈન્ડિયાએ છેલ્લી વખત આ મેદાન પર ડે-નાઈટ ટેસ્ટ રમી હતી, ત્યારે બીજી ઈનિંગમાં તે 36 રન પર ઓલઆઉટ થઈ ગઈ હતી. આ દરમિયાન ઓસ્ટ્રેલિયાના પૂર્વ કેપ્ટન માઈકલ ક્લાર્કે ઓસ્ટ્રેલિયન ટીમને અવગત કરી છે. તેણે જણાવ્યું કે શા માટે તેને પર્થ ટેસ્ટમાં ઓસ્ટ્રેલિયાની હાર બાદથી એક ડર સતાવી રહ્યો છે.
ક્લાર્કે કહ્યું, 'ટેસ્ટ મેચ હારવી એક વાત છે પરંતુ વિરાટ કોહલીની સદી ફટકારવી પહેલી ટેસ્ટ મેચમાં મને ડરાવે છે. મારા હિસાબે આ ટેસ્ટ સિરીઝમાં તે ભારત માટે સૌથી વધુ રન બનાવનાર ખેલાડી રહેશે.' વિરાટ કોહલીએ પર્થ ટેસ્ટની બીજી ઈનિંગમાં નોટઆઉટ સદી લગાવી હતી. યશસ્વી જયસ્વાલે બીજી ઈનિંગમાં 171 રનની જોરદાર ઈનિંગ રમી હતી. પર્થ ટેસ્ટ મેચમાં ટીમ ઈન્ડિયાએ પહેલી બેટિંગનો નિર્ણય લીધો હતો અને લગભગ 150 રન પર ઓલઆઉટ થઈ ગઈ હતી.
એવું લાગી રહ્યું હતું કે ટીમ ઈન્ડિયા માટે ટેસ્ટ સિરીઝની શરૂઆત હારથી થશે પરંતુ પહેલી ટેસ્ટ મેચમાં કેપ્ટનશિપ કરનાર જસપ્રીત બુમરાહે પાંચ વિકેટ લઈને ભારતને દમદાર વાપસી અપાવી અને ઓસ્ટ્રેલિયન ટીમ પહેલી ઈનિંગમાં લગભગ 104 રન પર ઓલઆઉટ થઈ ગઈ. ભારતે બીજી ઈનિંગ છ વિકેટ પર 487 રન પર જાહેર કરી અને ઓસ્ટ્રેલિય ટીમ બીજી ઈનિંગમાં 238 રન પર સમેટાઈ ગઈ.
