મેદાનમાં ઘૂસ્યો રોહિતનો 'જબરો' ફેન, પોલીસે દબોચ્યો તો હિટમેને એવું કર્યું કે દિલ જીતી લીધુ

Image Source: Twitter

T20 World Cup : T20 વર્લ્ડ કપ 2024 પહેલા શનિવાર 1 જૂનના રોજ ભારત અને બાંગ્લાદેશ વચ્ચે વોર્મ-અપ મેચ રમાઈ હતી. મેચ દરમિયાન એક વિચિત્ર ઘટના જોવા મળી હતી. આ મેચ દરમિયાન રોહિત શર્માનો એક 'જબરો' ફેન તેને મળવા માટે મોદાનમાં ઘૂસી ગયો હતો. ત્યારબાદ ભારતીય કેપ્ટને જે કર્યું તેણે બધાનું દિલ જીતી લીધુ. આ ફેન રોહિત શર્માને મળવામાં તો સફળ રહ્યો પરંતુ ત્યારબાદ પોલીસે તેને દબોચી લીધો અને મેદાનની બહાર પહોંચાડી દીધો. આ ઘટનાનો વીડિયો સોશિયલ મીડિયા પર વાયુવેગે વાયરલ થઈ રહ્યો છે. T20 વર્લ્ડ કપની તૈયારી માટે ભારતને માત્ર એક વોર્મ-અપ મેચ બાંગ્લાદેશ સામે રમવાની તક મળી હતી અને આ મેચમાં ટીમ ઈન્ડિયાએ 60 રનથી જીત પ્રાપ્ત કરી છે. 

The fan who breached the field and hugged Rohit Sharma was taken down by the USA police.

- Rohit requested the officers to go easy on them. pic.twitter.com/MWWCNeF3U2

— Mufaddal Vohra (@mufaddal_vohra) June 1, 2024

રોહિત શર્માને મળવા પહોંચ્યો ફેન

આ ઘટના બાંગ્લાદેશના રન ચેઝ દરમિયાન બની હતી. ભારતીય ટીમ જ્યારે મેદાન પર હતી ત્યારે આ જબરો ફેન સુરક્ષા તોડીને મેદાનમાં ઘૂસવામાં સફળ રહ્યો. ઝડપથી દોડીને આ ફેન હિટમેનની નજીક પહોંચી ગયો. જ્યાં સુધી અમેરિકન પોલીસ તેને પકડે ત્યાં સુધીમાં તે રોહિત શર્મા સાથે હાથ મિલાવવા ઉપરાંત તેને ગળે લગાવાની પોતાની ઈચ્છા પૂરી કરી ચૂક્યો હતો. જોકે, ત્યાર બાદ અમેરિકન પોલીસે ખૂબ જ ક્રૂરતા સાથે આ ચાહકને દબોચી લીધો અને રોહિત શર્માની સામે જ તેને હાથકડી લગાવી દીધી. આ દરમિયાન રોહિત શર્માએ સુરક્ષાકર્મીઓને કહ્યું કે, મહેરબાની કરીને તમે તેની સાથે સખતાઈથી નહીં વર્તો. તેને કોઈ હાનિ ન થાય એનું પણ ધ્યાન રાખજો. રોહિત શર્માના આ જેસ્ચરે બધાનું દિલ જીતી લીધું.