દિલ્હી કેપિટલ્સને ઝટકો, રિષભ પંત પર IPLમાં એક મેચનો પ્રતિબંધ અને 30 લાખ દંડ, જાણો શું છે મામલો

Image: Facebook

Rishabh Pant: IPL રમી રહેલી દિલ્હી કેપિટલ્સ ટીમને ઝટકો લાગ્યો છે. તેના કેપ્ટન રિષભ પંતને સસ્પેન્ડ કરી દેવાયો છે. રિષભ પંતને રાજસ્થાન રોયલ્સ સામે મેચમાં દિલ્હી કેપિટલ્સના સ્લો ઓવર-રેટ ગુનાના કારણે એક મેચ માટે બેન કરી દેવાયો છે. પંત પર 30 લાખ રૂપિયાનો દંડ લગાવવામાં આવ્યો છે. 

શું છે સમગ્ર મામલો

દિલ્હી કેપિટલ્સના કેપ્ટન રિષભ પંતને IPL કોડ ઓફ કંડક્ટનું ઉલ્લંઘન કરવા માટે એક મેચ માટે બેન કરવામાં આવ્યો છે. પંતની ટીમે રાજસ્થાન રોયલ્સ સામે IPL 2024ની મેચ 56 દરમિયાન સ્લો ઓવર રેટ હેઠળ બોલિંગ કરી હતી. આ મેચ દિલ્હીના અરુણ જેટલી સ્ટેડિયમમાં 7 મે 2024એ થઈ હતી. 

પંતે મિનિમમ ઓવર રેટ સંબંધિત ઓફેન્સ હેઠળ IPLના કોડ ઓફ કંડક્ટ હેઠળ પંતની ટીમનો આ સિઝનનો આ ત્રીજો ગુનો હતો. તેથી રિષભ પંત પર 30 લાખ રૂપિયાનો દંડ લગાવાયો અને એક મેચ માટે બેન કરવામાં આવ્યો. હવે ઈમ્પેક્ટ પ્લેયર સહિત પ્લેઈંગ ઈલેવનના બાકી સભ્યો પર વ્યક્તિગત રીતે 12 લાખ રૂપિયા કે તેની સંબંધિત મેચ ફી ના 50 ટકા જે પણ ઓછો દંડ લગાવાયો છે. 

દિલ્હી કેપિટલ્સે નિર્ણયને પડકાર આપ્યો હતો, પછી...

IPL કોડ ઓફ કંડક્ટના આર્ટિકલ 8 અનુસાર દિલ્હી કેપિટલ્સે મેચ રેફરીના નિર્ણયને પડકાર આપતા અપીલ દાખલ કરી હતી. તે બાદ અપીલની સમીક્ષા માટે BCCI લોકપાલની પાસે મોકલવામાં આવી. લોકપાલે આ મામલાની વર્ચ્યુઅલ સુનાવણી કરી. તે બાદ મેચ રેફરીનો નિર્ણય અંતિમ અને બંધનકર્તા માનવામાં આવ્યો. 

IPLમાં આ રીતે સ્લો ઓવર રેટ થવા પર દંડ થાય છે 

IPLની સ્લો ઓવર રેટ સંબંધિત આચાર સંહિતા હેઠળ જો કોઈ ટીમના કેપ્ટનથી પહેલો ગુનો થાય છે તો તેની પર 12 લાખ રૂપિયાનો દંડ લાગી જાય છે. જો કોઈ IPL સિઝનમાં બીજી વખત તે કેપ્ટનથી સ્લો ઓવર રેટનો ગુનો થાય છે તો 24 લાખ રૂપિયાનો દંડ લગાવવામાં આવે છે. જો ત્રીજી વખત ભૂલ થઈ તો કેપ્ટન પર એક મેચનો પ્રતિબંધ અને 30 લાખ રૂપિયાનો દંડ લગાવવામાં આવે છે. 

દિલ્હી કેપિટલ્સ હજુ પણ પ્લેઓફની રેસમાં છે. દિલ્હી 12 મેચમાં 12 સ્કોરની સાથે પોઈન્ટ ટેબલમાં પાંચમાં સ્થાને છે. દિલ્હી કેપિટલ્સ પોતાની આગામી મેચ 12 મે એ આરસીબી સામે રમશે. તે મેચમાં રિષભ પંત રમી શકશે નહીં. 

દિલ્હી કેપિટલ્સની બાકી મેચ

12 મે: રોયલ ચેલેન્જર્સ સામે, સાંજે 7:30 વાગે

14 મે: લખનૌ સુપર જાયન્ટ્સ, સાંજે 7:30 વાગે

Keeper allrounder anyone? @IrfanPathan 😉#RP17 pic.twitter.com/FCGPkqAuZo

— Rishabh Pant (@RishabhPant17) May 10, 2024