સહેવાગ-રોહિત કરતાં પણ વધુ છગ્ગા ફટકારનારો બોલર લેશે સંન્યાસ, જાણો ક્યારે છેલ્લી મેચ રમશે

Tim Southee will retire from test cricket :  વર્ષ 2024 સમાપ્ત થવાના આરે છે. આ વર્ષે ઘણા ક્રિકેટરોએ ક્રિકેટને અલવિદા કહ્યું છે. હવે આ યાદીમાં વધુ એક નામ જોડાવા જઈ રહ્યું છે. આ ખેલાડી એક એવો બોલર છે, જેના નામે વીરેન્દ્ર સેહવાગ અને રોહિત શર્મા કરતા પણ વધુ છગ્ગા નોંધાયેલા છે. અમે જે ખેલાડી વિશે વાત કરી રહ્યા છીએ તેનું નામ 'ટિમ સાઉથી' છે.

ન્યૂઝીલેન્ડના ડેશિંગ ફાસ્ટ બોલરે પોતાની નિવૃત્તિને લઈને મોટી જાહેરાત કરી છે. ટિમ સાઉથી ઈંગ્લેન્ડ સામેની આગામી ત્રણ મેચની હોમ સિરીઝ બાદ ટેસ્ટ ક્રિકેટમાંથી નિવૃત્તિ લેશે. ન્યુઝીલેન્ડ ક્રિકેટ બોર્ડે શુક્રવારે આ માહિતી આપી હતી. જો કે, જો ન્યુઝીલેન્ડ આગામી જૂનમાં વર્લ્ડ ટેસ્ટ ચેમ્પિયનશિપ (WTC)ની ફાઇનલમાં ક્વોલિફાય થશે તો સાઉથી પસંદગી માટે ઉપલબ્ધ રહેશે. WTC ફાઇનલ 11 જૂનથી લંડનના લોર્ડ્સમાં રમાશે.

આ પણ વાંચો : પાકિસ્તાન શા માટે નહીં જાય ટીમ ઈન્ડિયા? BCCIએ આપ્યો જવાબ, ICCને લખેલા પત્રમાં થયો ખુલાસો

ડિસેમ્બરમાં સાઉદી અંતિમ ટેસ્ટ રમશે

ઈંગ્લેન્ડ સામે સીરિઝની પહેલી બે ટેસ્ટ ક્રાઈસ્ટચર્ચ (28 નવેમ્બરથી 2 ડિસેમ્બર) અને વેલિંગ્ટન (6 થી 10 ડિસેમ્બર)માં રમાશે. ફાઈનલ મેચ સાઉદીના હોમ ગ્રાઉન્ડ સેડન પાર્ક હેમિલ્ટનમાં 14 થી 18 ડિસેમ્બર દરમિયાન રમાશે. હેમિલ્ટનમાં ત્રીજી ટેસ્ટ શરૂ થશે ત્યાં સુધીમાં સાઉથી 36 વર્ષની થઈ જશે. જ્યારે 28મી ડિસેમ્બરથી શરૂ થનારી ત્રણ T20 અને ત્રણ વન-ડે મેચ માટે કિવી ટીમની યજમાની કરશે. આ દરમિયાન તેના વ્હાઇટ-બોલના ભવિષ્ય અંગે પણ નિર્ણય લેશે.

ન્યુઝીલેન્ડનો સૌથી સફળ બોલર

સાઉદીએ ન્યૂઝીલેન્ડ માટે 104 ટેસ્ટ મેચ રમી છે, અને 385 વિકેટ લીધી છે. તે ન્યૂઝીલેન્ડ માટે ટેસ્ટમાં સૌથી વધુ વિકેટ લેનારા બોલરોની યાદીમાં સર રિચર્ડ હેડલી (431) પછી બીજા ક્રમે છે. જેણે વર્ષ 2008માં ઈંગ્લેન્ડ સામે ટેસ્ટ ક્રિકેટમાં ડેબ્યુ કર્યુ હતું. 770  વિકેટ સાથે દરેક ફોર્મેટમાં ન્યૂઝીલેન્ડને સૌથી સફળ બોલર મળ્યો છે. તે 300 થી વધુ ટેસ્ટ વિકેટ, 200 ODI વિકેટ અને 100 T20I વિકેટ લેનારો વિશ્વનો એકમાત્ર ખેલાડી છે.

આ પણ વાંચો : વિરેન્દ્રસિંહને ગર્લફ્રેન્ડે પંજાબની ધર્મશાળામાં રૂમ બુક કરાવી આપ્યો હતો, ઊંઘમાં જ ક્રાઈમ બ્રાન્ચે દબોચી લીધો

એ જાણીને તમને નવાઈ લાગશે કે, ફાસ્ટ બોલર ટિમ સાઉથીનો ટેસ્ટની બેટિંગમાં શાનદાર રેકોર્ડ છે. તેણે ટેસ્ટ ક્રિકેટમાં ભારતના વીરેન્દ્ર સેહવાગ અને રોહિત શર્મા કરતાં વધુ છગ્ગા ફટકાર્યા છે. સાઉદીએ ટેસ્ટમાં 93 છગ્ગા ફરકાર્યા છે. જ્યારે સેહવાગે ટેસ્ટમાં 91 છગ્ગા અને રોહિતે 88 છગ્ગા ફટકાર્યા છે.