IPL 2025: RCB એ જેને 'ઠુકરાવ્યો' એ જ બોલર ભારે પડ્યો, 3 વિકેટો ઝડપી બન્યો X ફેક્ટર

Image: Facebook

IPL 2025: વાત મોહમ્મદ સિરાજની, જે 2 એપ્રિલ 2025એ IPL મેચમાં રોયલ ચેલેન્જર્સ બેંગ્લુરુ વિરુદ્ધ રમવા ઉતર્યો, મેચમાં સિરાજના ઈમોશન અલગ હતાં, કેમ કે તે ટીમ વિરુદ્ધ રમી રહ્યો હતો, જેનો ક્યારેક તે મહત્ત્વનો ભાગ હતો, કોહલીની સામે પહેલી ઓવર ફેંકવા ઉતર્યો તો અડધા રનઅપ પર રોકાયો, પછી બીજી વખત પ્રયત્ન કર્યો. RCB વિરુદ્ધ મેચ જીતીને સિરાજનો અનુભવ અલગ હતો, ઈમોશન પણ અલગ હતાં.

સિરાજ પોતાની જૂની ટીમ RCB વિરુદ્ધ 2 એપ્રિલ 2025એ પહેલી વખત આ સિઝનમાં રમવા ઉતર્યો પરંતુ તે બાદ તેણે પોતાની બોલિંગથી જે કમાલ કરી તેને RCB લાંબા સમય સુધી ભૂલી શકશે નહીં કેમ કે આ ગુજરાત ટાઈટન્સના મોહમ્મદ સિરાજનો બોલિંગ સ્પેલ જ હતો, જેનાથી RCB ને સાચવવાની તક મળી નહીં.

સિરાજે પોતાની બોલિંગ સ્પેલમાં પહેલા દેવદત્ત પડિક્કલ (4) અને પછી ફિલ સોલ્ટ (14) એ આઉટ કરીને એવો ઝટકો આપ્યો. સિરાજે તે બાદ RCBના હાઈએસ્ટ સ્કોરર રહેલા લિયામ લિવિંગસ્ટોન (54) ને પણ આઉટ કર્યો.

આ રીતે તેમનો બોલિંગનો આંકડો 4-0-19-3 નો રહ્યો. સિરાજની આ ઘાતકી બોલિંગના કારણે જ RCB ની ટીમ 169/8 જેમ-તેમ બની શકી. તે આ કમાલની બોલિંગના કારણે 'પ્લેયર ઓફ ધ મેચ' રહ્યો. બાદમાં રનચેજ દરમિયાન ગુજરાત તરફથી સાઈ સુદર્શન (49) જોસ બટલર (73 અણનમ) અને તે બાદ શેરફેન રદરફોર્ડ (30 અણનમ) ની ઈનિંગના કારણે મેચ જીતી લીધી.

આ પણ વાંચો: IPL 2025: ગુજરાતને બેંગલુરૂને 8 વિકેટથી હરાવ્યું, જોશ બટલર અને સાઇ સુદર્શનની તોફાની બેટિંગ

મેચ બાદ સિરાજે કંઈક એવું કહ્યું જે કદાચ RCB ના ચાહકોને પણ ઈમોશનલ કરી દેશે. સિરાજે કહ્યું, 'હું થોડો ઈમોશનલ થઈ ગયો હતો, સાત વર્ષ બાદ મે પોતાની જર્સી રેડથી બ્લૂ કરી દીધી, પરંતુ એક વખત જ્યારે બોલ મારા હાથમાં આવ્યો તો હું ઠીક હતો.'

સિરાજે આઈપીએલમાં ડેબ્યૂ 2017માં સનરાઈઝર્સ હૈદરાબાદ (SRH) માટે કર્યું પરંતુ તે બાદ તે 2018થી 2024 સુધી રોયલ ચેલેન્જર્સ બેંગ્લુરુ માટે રમ્યો. 2025માં તેને RCBએ રિટેન કર્યો નહીં. RCBમાં રમવા દરમિયાન તેનું વિરાટ કોહલીથી એક અલગ જ બોન્ડિંગ બની ગયું હતું. જે સ્પષ્ટ રીતે જોવા મળતું હતું. કોહલીએ પણ ઘણી વખત સિરાજનો સપોર્ટ કર્યો હતો, આ વાત પણ કોઈથી છુપાયેલી નથી. પોતે સિરાજે પણ તેને વ્યક્ત કરી હતી.