'વસીમ અકરમથી પણ મહાન છે રાશિદ ખાન....', પાકિસ્તાનના પૂર્વ કેપ્ટનનું ચોંકાવનારું નિવેદન

Rashid Latif On Wasim Akram: પાકિસ્તાનના પૂર્વ ફાસ્ટ બોલર વસીમ અકરમને મહાન બોલરોમાંના એક ગણવામાં આવે છે. તેમને સ્વિંગનો સુલ્તાન કહેવામાં આવતા હતા. આજે પણ વસીમ અકરમનું નામ ઉદાહરણ તરીકે લેવામાં આવે છે. આજના ખેલાડીઓ માટે અકરમના સ્તર સુધી પહોંચવું એ મોટી વાત છે. જોકે, પાકિસ્તાનના પૂર્વ કેપ્ટન રાશિદ લતીફે એક ખેલાડીને અકરમ કરતાં પણ મહાન ગણાવ્યો છે. આ ખેલાડી પાકિસ્તાનનો પણ નથી.

પાકિસ્તાનના પૂર્વ કેપ્ટન રાશિદ લતીફે અફઘાનિસ્તાનના સ્પિનર ​​રાશિદ ખાનને વસીમ અકરમ કરતા પણ મહાન બોલર ગણાવ્યો છે. રાશિદે પોતાની સ્પિનથી દુનિયાભરમાં પોતાની ખ્યાતિ સ્થાપિત કરી છે. 26 વર્ષની ઉંમરે, આ ખેલાડીએ બેટ્સમેનોમાં ડર પેદા કર્યો છે. રાશિદ આઈપીએલમાં રમીને ચર્ચામાં આવ્યો અને પછી તે ત્યાંથી ચાલ્યો ગયો.

રાશિદ અને અકરમના આંકડા

રાશિદ ખાને પોતાના દેશ માટે છ ટેસ્ટ મેચ રમી છે અને કુલ 45 વિકેટ લીધી છે. તેમણે 111 વનડે મેચોમાં 198 વિકેટ લીધી છે. રાશિદે 96 ટી-20 મેચોમાં 161 વિકેટ લીધી છે. જ્યાં સુધી T20 ની વાત છે, રાશિદે ફ્રેન્ચાઇઝી ક્રિકેટમાં હલચલ મચાવી દીધી છે. તેણે તમામ T20 મેચોમાં કુલ 462 મેચ રમી છે અને 634 વિકેટ લીધી છે.

આ પણ વાંચો: રોહિત શર્માનું ટેસ્ટ કરિયર ખતમ? ઈંગ્લેન્ડ ટૂરમાં આ ખેલાડી કરી શકે છે કેપ્ટનશીપ

જ્યાં સુધી વસીમ અકરમની વાત છે, તેમણે 104 ટેસ્ટ મેચોમાં 414 વિકેટ લીધી છે અને 356 વનડે મેચોમાં 502 વિકેટ લીધી છે. જ્યારે અકરમ નિવૃત્ત થયો ત્યારે આંતરરાષ્ટ્રીય સ્તરે T20 ક્રિકેટ શરૂ થયું ન હતું. જો કે, તેણે ઈંગ્લેન્ડમાં કેટલીક T20 મેચ રમી હતી. ડાબા હાથના આ ઝડપી બોલરે પાંચ ટી20 મેચોમાં કુલ આઠ વિકેટ લીધી છે.