VIDEO | ટીમ ઈન્ડિયાના 'મિસ્ટર 360' એ ભૂલ થઈ જતાં મેદાનમાં સૌની વચ્ચે માફી માગી

Image: Facebook

Buchi Babu Cricket Tournament: ટીમ ઈન્ડિયાના ટી20 કેપ્ટન અને વિસ્ફોટક બેટ્સમેન સૂર્યકુમાર યાદવ બુચી બાબુ ક્રિકેટ ટુર્નામેન્ટ 2024માં મુંબઈ ટીમનો ભાગ છે. તમિલનાડુ ક્રિકેટ એસોસિએશન ઈલેવન વિરુદ્ધ મેચ દરમિયાન સૂર્યકુમાર બેટ્સમેનની માફી માગતો નજર આવ્યો. હવે આ વીડિયો સોશિયલ મીડિયા પર ખૂબ વાયરલ થઈ રહ્યો છે.

કોઈમ્બતુરમાં રમાઈ રહેલી મેચમાં સૂર્યકુમાર ત્રીજા દિવસના પહેલા સેશનમાં એક ઓવરની બોલિંગ કરતો નજર આવ્યો. આ દરમિયાન એક બોલ પર તેણે ઊંચી ફુલ-ટોસ કરી, જે બેટિંગ હેડ તરફ જતો હતો. ગમે તેમ રીતે બેટિંગે શોર્ટ-લેગ તરફ બોલને રમ્યો. પોતાના આ ખરાબ બોલ માટે સૂર્યકુમારે હાથ ઉઠાવીને માફી માગી. સૂર્યાએ 1 ઓવરમાં 10 રન આપ્યા.

મુંબઈની હાલત ખરાબ

મેચની વાત કરીએ તો મુંબઈની બીજી ઈનિંગમાં સૂર્યકુમાર યાદવે સારી શરૂઆત કરી, પરંતુ તેને મોટા સ્કોરમાં બદલી શક્યો નહીં. સૂર્યકુમારે 38 બોલ પર 30 રનની ઈનિંગ રમી. ત્રીજા દિવસે સ્ટમ્પ સુધી મુંબઈનો સ્કોર 6 રન હતો. તેની સામે 510 રનનું પડકારપૂર્ણ લક્ષ્ય હતું. સૂર્યકુમાર યાદવ દુલીપ ટ્રોફીનો પણ ભાગ છે. તે ટીમ સી માં ઋતુરાજ ગાયકવાડની કેપ્ટનશિપમાં રમશે.

શ્રીલંકા વિરુદ્ધ દમદાર બોલિંગ કરી હતી

ઉલ્લેખનીય છે કે સૂર્યકુમાર યાદવે શ્રીલંકા વિરુદ્ધ ટી20 સિરીઝમાં બોલિંગ કરી હતી. તે પોતાની બોલિંગના દમ પર મેચને સુપર ઓવર સુધી લઈને ગયો હતો. સૂર્યકુમાર યાદવે 20 મી ઓવર કરતાં બે વિકેટ લીધી અને માત્ર પાંચ રન જ ખર્ચ કર્યાં હતાં. સૂર્યકુમારને પ્લેયર ઓફ ધ સિરીઝ પસંદ કરવામાં આવ્યો હતો.