બાબર આઝમનું મગજ જ ઠેકાણે નથી...! USA સામેની હાર બાદ પાકિસ્તાની ક્રિકેટરે જ ભારે અપમાન કર્યું

Image:X

T20 World Cup: T20 વર્લ્ડ કપનો સૌથી મોટો અપસેટ 6 જૂને અમેરિકાના ડલાસ સ્ટેડિયમમાં જોવા મળ્યો હતો. અમેરિકાએ પાકિસ્તાનને મેચમાં હરાવ્યા બાદ બાબર આઝમ અને પાકિસ્તાન ક્રિકેટ ટીમ હેડલાઇન્સમાં છે. બંનેનું ઘણું અપમાન થઈ રહ્યું છે. ICC ટૂર્નામેન્ટમાં બાબર આઝમની કેપ્ટનશીપ હેઠળની પાકિસ્તાની ટીમની હાર બાદ દેશના અન્ય ક્રિકેટરો ગુસ્સાથી લાલ થઈ ગયા છે. તે બાબર આઝમની કેપ્ટનશીપ પર સતત સવાલો ઉઠાવી રહ્યો છે પરંતુ શોએબ મલિકે તેનું ઘણું અપમાન કર્યું છે, અને બાબર પર ઘણા સવાલો ઉઠાવ્યા છે. 

યુએસએ સામેની હાર બાદ નારાજ શોએબ મલિકે બાબર આઝમની કેપ્ટનશિપ પર સવાલ ઉઠાવ્યા હતા. શોએબ મલિકે કહ્યું કે છેલ્લા ચાર વર્ષમાં બાબરની કેપ્ટનશિપમાં સહેજ પણ સુધારો થયો નથી. કોઈને પણ તક આપવી જોઈએ જો તે પોતાની જાતને સુધારે જેથી તે પરિણામ મેળવી શકે. 4 વર્ષ જૂના અને હવેના બાબરમાં કોઈ ફરક નથી અને હવે આ સમસ્યાને ઠીક કરવાની જરૂર છે.

શોએબ મલિકે આગળ કહ્યું કે, બાબરનું દિમાગ બંધ થઈ ગયું છે. બાબર પોતાનું મન ક્યાંય નથી લગાવતા. બાબરે ટીમને લઇને ફિક્સ કરેલુ છેકે,કોણ ક્યાં રમશે અને તે મેચ દરમિયાન તેમાં સહેજ પણ ફેરફાર નથી કરતો. આ સ્પષ્ટપણે દર્શાવે છે કે, તેનું મગજ કામ કરતું નથી.

યુએસએ સામે હાર્યા બાદ માત્ર શોએબ મલિક જ નહીં પરંતુ વસીમ અકરમ અને શોએબ અખ્તર સહિત અનેક દિગ્ગજ પાકિસ્તાની ક્રિકેટરોએ નિરાશા વ્યક્ત કરી છે. 

હવે પાકિસ્તાન 9 જૂને ન્યૂયોર્કમાં ટીમ ઈન્ડિયા સામે ટકરાશે. આ પહેલા પાકિસ્તાનના ઘણા પૂર્વ ક્રિકેટરો ICC પર પક્ષપાતનો આરોપ લગાવી ચૂક્યા છે. આ બધા વચ્ચે જોવાનું એ રહે છે કે T20 વર્લ્ડ કપમાં આઠમી વખત ભાગ લેવા જઈ રહેલી આ ટીમ હારનો સિલસિલો જારી રહેશે કે પછી ભારતને હરાવે છે.