સ્ટાર ક્રિકેટર સરફરાઝ ખાન બન્યો પિતા, પોતાના જન્મદિવસના બે કલાક પહેલા જ થયો પુત્રનો જન્મ

Image: X

Sarfaraz Khan Become Father: ભારતીય સ્ટાર બેટ્સમેન સરફરાઝ ખાન અત્યારે ન્યૂઝીલેન્ડ વિરુદ્ધ ત્રણ મેચોની ટેસ્ટ સિરીઝ રમી રહ્યો છે. બેંગલુરુમાં રમાયેલી સિરીઝથી પહેલા ટેસ્ટમાં સરફરાઝ શાનદાર ઈનિંગ રમતાં 150 રન બનાવીને ખૂબ ચર્ચામાં રહ્યો હતો. હવે સિરીઝ દરમિયાન સરફરાઝને પિતા બનવાની ખુશી મળી. તેની પત્ની રોમાન ઝહુરે પુત્રને જન્મ આપ્યો.

ખાસ વાત એ છે કે પોતાના જન્મદિવસના લગભગ બે કલાક પહેલા સરફરાઝ પિતા બન્યો. સરફરાઝનો જન્મદિવસ આજે એટલે કે 22 ઓક્ટોબરે છે, જ્યારે તેના પિતા બનવાના સમાચાર 21 ઓક્ટોબર રાત્રે 10 વાગ્યાની આસપાસ સામે આવ્યા છે. સરફરાઝ આજે પોતાનો 27મો જન્મદિવસ મનાવી રહ્યો છે.

ભારતીય બેટ્સમેને ઈન્સ્ટાગ્રામ પર સ્ટોરી શેર કરીને પોતાના પિતા બનવાની જાણકારી શેર કરી. સરફરાઝે બે તસવીર શેર કરી. એક તસવીરમાં તે પોતે પોતાના પુત્રને ખોળામાં લઈને ઊભો છે. બીજી તસવીરમાં સરફરાઝની સાથે તેના પિતા નૌશાદ ખાન પણ નજર આવી રહ્યાં છે.

સરફરાઝની પત્ની કાશ્મીરી છે

સરફરાઝે 06 ઓગસ્ટ, 2023માં લગ્ન કર્યા હતા. તેની પત્નીનું નામ રોમાના જહુર છે, જે કાશ્મીરની છે. બંનેના લગ્ન કાશ્મીરના શોફિયા જિલ્લાના પશપોરા ગામમાં થયા હતા.

આ પણ વાંચો: ટીમ ઈન્ડિયાથી બહાર ચાલી રહેલા સ્ટાર ગુજરાતી ખેલાડીએ બનાવ્યો ઐતિહાસિક રેકૉર્ડ, બ્રાયન લારાને પણ પછાડ્યા

સરફરાઝનું કરિયર

સરફરાઝે અત્યાર સુધી પોતાના આંતરરાષ્ટ્રીય કરિયરમાં 4 ટેસ્ટ મેચ રમી છે. આ મેચોની 7 ઈનિંગમાં બેટિંગ કરતાં તેણે 58.33 ની સરેરાશથી 350 રન બનાવી લીધા છે. આ દરમિયાન તેના બેટથી 1 સદી અને 3 અડધી સદી નીકળી ચૂકી છે, જેમાં તેનો હાઈ સ્કોર 150 રનનો રહ્યો.

આ સિવાય તે અત્યાર સુધી 52 ફર્સ્ટ ક્લાસ મેચ રમી ચૂક્યો છે. આ મેચની 78 ઈનિંગમાં તેણે 69.27 ની સરેરાશથી 4572 રન બનાવી દીધા છે. આ દરમિયાન તેના બેટથી 16 સદી અને 14 અડધી સદી નીકળી ચૂકી છે.