શું મિતાલી રાજ સાથે લગ્ન કરી રહ્યો છે શિખર ધવન? ગબ્બરે ખુદ કર્યો ખુલાસો, જુઓ શું કહ્યું

Image Source: Twitter

Shikhar Dhawan: પંજાબ કિંગ્સનો કેપ્ટન અને સલામી બેટ્સમેન શિખર ધવન હાલમાં પોતાના શોને લઈને ચર્ચામાં છે. ધવનની ઈન્ટરનેશનલ ક્રિકેટમાં વાપસી હવે મુશ્કેલ છે. ઈજાના કારણે તે IPLની આ સિઝનમાં વચ્ચેથી હટી ગયો હતો. પંજાબ કિંગ્સના કેપ્ટન ધવનના સ્થાને કેટલીક મેચોમાં સેમ કરને કેપ્ટનશિપ કરી હતી. ધવનને રાષ્ટ્રીય ટીમમાં સ્થાન નથી મળી રહ્યું. ધવને હાલમાં પોતાની સાથે જોડાયેલી એક અફવાનો ખુલાસો કર્યો છે. ભારતીય ટીમના ઓપનરે તેને એક વિચિત્ર અફવા ગણાવી હતી.

મેં એક વાર સાંભળ્યું હતું કે હું મિતાલી રાજ સાથે લગ્ન કરવા જઈ રહ્યો છું

પંજાબ કિંગ્સના કેપ્ટન શિખર ધવને કહ્યું કે એકવાર મેં સાંભળ્યું હતું કે, હં ટીમ ઈન્ડિયાની પૂર્વ કેપ્ટન મિતાલી રાજ સાથે લગ્ન કરવા જઈ રહ્યો છે. ધવને જિયો સિનેમા પર ધવન કરેંગ શોમાં કહ્યું કે, મેં સાંભળ્યું હતું કે હું મિતાલી રાજ સાથે લગ્ન કરવા જઈ રહ્યો છું. ત્યારબાદ તે હસવા લાગે છે. મિતાલી રાજ ધવનના શોમાં ગેસ્ટ બનીને આવી હતી. આ દરમિયાન ધવને મિતાલીને ક્રિકેટ અને તેમના જીવન અંગે ઘણા સવાલો કર્યા હતા. મિતાલી રાજ હાલમાં વુમન્સ પ્રીમિયર લીગની ફ્રેન્ચાઈઝી ગુજરાત જાયન્ટ્સની મેન્ટર છે. આ દરમિયાન ધવને દિલ્હી કેપિટલ્સના કેપ્ટન ઋષભ પંતની પ્રશંસા કરી, જે તાજેતરમાં જ ઈજામાંથી સ્વસ્થ થઈને ભારતની T20 વર્લ્ડ કપ ટીમમાં પરત ફર્યો છે. ભારતીય ક્રિકેટર શિખર ધવને 2012માં આયશા મુખર્જી સાથે લગ્ન કર્યા હતા. જો કે, હવે બંનેના છુટાછેડા થઈ ચુક્યા છે અને હવે તેઓ કાયદાકીય રીતે અલગ થઈ ચુક્યા છે.

લેફ્ટી ઓપનર શિખર ધવનની ટીમ પંજાબ કિંગ્સ IPL 2024માં સારું પ્રદર્શન નથી કરી શકી. પંજાબે 10 ટીમોના પોઈન્ટ ટેબલમાં 9મા નંબર પર રહીને લીગમાંથી  વિદાય લીધી. ધવને IPLની આ સિઝનમાં 5 મેચમાં 125.61ના સ્ટ્રાઈક રેટથી 152 રન બનાવ્યા છે.