World Cup 2023 : સાઉથ આફ્રિકા સામે હાર્યા બાદ ધ્રુસ્કે-ધ્રુસ્કે રડી પડ્યો આફ્રિદી, વાયરલ થયો વીડિયો

World Cup 2023 SA vs PAK : સાઉથ આફ્રિકા અને પાકિસ્તાન વચ્ચે ચેન્નઈના એમ.એ ચિદમ્બરમ સ્ટેડિયમમાં ODI World Cup 2023ની મેચ રમાઈ હતી. આ મેચમાં પાકિસ્તાન માટે જીતવું ખુબ જ જરૂરી હતું, પરંતુ એવું થયું નહીં. સાઉથ આફ્રિકાની ટીમે આ રોમાંચક મેચમાં પાકિસ્તાનને 1 વિકેટથી હરાવ્યું હતું. મેચ હાર્યા બાદ પાકિસ્તાની ખેલાડીઓ ખુબ જ નિરાશ થઇ ગયા હતા. આ દરમિયાન શાહીન આફ્રિદી(Shaheen Shah Afridi Crying After Loosing Match Against South Africa)નો એક વીડિયો વાયરલ થઇ રહ્યો છે. જેમાં તે રડતો જોવા મળી રહ્યો છે.

મેચ હાર્યા બાદ શાહીન પોતાના આંસુ ન રોકી શક્યો

સોશ્યલ મીડિયા પર વાયરલ થઇ રહેલા વીડિયોમાં જોઈ શકાય છે કે પાકિસ્તાન ટીમનો ફાસ્ટ બોલર શાહીન શાહ આફ્રિદી રડી રહ્યો છે અને તેના પાસે બેઠેલો અન્ય પાકિસ્તાની ટીમનો એક સભ્ય તેને ચૂપ કરાવવાનો પ્રયત્ન કરી રહ્યો છે. પરંતુ શાહીન આફ્રિદી પોતાના આંસુ રોકી શક્યો નહીં. શાહીને સાઉથ આફ્રિકા સામે શાનદાર બોલિંગ કરી હતી. તેણે પાકિસ્તાનને જીતાવવાનો ખુબ પ્રયાસ કર્યો હતો પરંતુ તે ટીમને જીતાવવામાં અસફળ રહ્યો અને સાઉથ આફ્રિકાએ મેચ 1 વિકેટથી જીતી લીધી હતી.

શાહીન આફ્રિદીએ ઝડપી 3 વિકેટ

પાકિસ્તાનની ટીમ પ્રથમ બેટિંગ કરતા 46.4 ઓવરમાં 270 રનના સ્કોર પર સમેટાઈ ગઈ હતી. પાકિસ્તાન તરફથી બાબર આઝમ અને સઉદ શકીલે ફિફ્ટી ફટકારી હતી. સાઉથ આફ્રિકાની ટીમે 48.2 ઓવરમાં આ લક્ષ્ય હાંસલ કરી લીધો હતો. આ મેચમાં શાહીન આફ્રિદીએ તેની 10 ઓવરમાં 45 રન આપીને 3 વિકેટ ઝડપી હતી.