VIDEO: છોકરીની દમદાર બોલિંગ જોઈ તમે પણ કહેશો 'લેડી બુમરાહ', બેટરોનો પરસેવો છોડાવી દીધો!

School Girl Bumrah Action Copy: ભારતીય ટીમના ફાસ્ટ બોલર જસપ્રિત બુમરાહની ગણતરી હાલમાં વિશ્વના સૌથી ઘાતક બોલરોમાં થાય છે. છેલ્લી ઘણી ICC ટુર્નામેન્ટમાં બુમરાહે મહત્ત્વપૂર્ણ મેચોમાં ભારતને જીત અપાવી છે. વિશ્વના ટોચના બેટરોને પણ જસપ્રિત બુમરાહનો સામનો કરવો મુશ્કેલ લાગે છે. તેમની બોલિંગ એક્શનને લઈને ઘણી ચર્ચા થઈ રહી છે, ઘણાં યુવા બોલર્સ તેમની બોલિંગ એક્શનની નકલ કરવાનો પ્રયાસ કરતા જોવા મળે છે, આ દરમિયાન સોશિયલ મીડિયા પર એક વિદ્યાર્થિનીનો વીડિયો વાયરલ થઈ રહ્યો છે, જેમાં તે બુમરાહની બોલિંગ એક્શનની નકલ કરતી જોવા મળી રહી છે.

ચાહકોએ 'લેડી બુમરાહ' તરીકે ટેગ આપ્યો

સોશિયલ મીડિયા પર વાયરલ થઈ રહેલા વીડિયોમાં સ્કૂલ યુનિફોર્મમાં વિદ્યાર્થિની બુમરાહની બોલિંગ એક્શનની નકલ કરી રહી છે. આ વિદ્યાર્થિની નેટમાં બુમરાહની જેમ જ દોડે છે અને તે જ રીતે બોલ ફેંકે છે. બેટર પણ તેના શાનદાર યોર્કરથી પરાજિત થાય છે. હાલમાં સોશિયલ મીડિયા પર આ વિદ્યાર્થિનીને 'લેડી બુમરાહ' તરીકે ટેગ કરવામાં આવી છે. નોંધનીય છે કે, થોડા દિવસો પહેલા પાકિસ્તાની બાળકનો વીડિયો સોશિયલ મીડિયા પર વાયરલ થયો હતો, જેમાં બાળક બુમરાહની બોલિંગ સ્ટાઈલની નકલ પણ કરી રહ્યો હતો.

આ પણ વાંચો: ઈશાન કિશનનું દિલ આવ્યું મિસ ઈન્ડિયા ફાઈનાલિસ્ટ પર, સુંદરતામાં મોટી મોટી એક્ટ્રેસને આપે છે ટક્કર