ટીમ ઈન્ડિયાને મળ્યો નવો 'હિટમેન', છગ્ગાનો વરસાદ કરવામાં છે માસ્ટર, સતત બીજી સદી ફટકારી

IND Vs SA, Sanju Samson : દક્ષિણ આફ્રિકાના પ્રવાસે ગયેલી ભારતીય T20 ટીમનું નેતૃત્વ સૂર્યકુમાર યાદવ કરી રહ્યો છે. આ પ્રવાસ દરમિયાન ભારત યજમાન દક્ષિણ આફ્રિકા સાથે ચાર મેચોની T20 સીરિઝ રમવાની છે. ભારતે તે પહેલી T20I મેચમાં જીતી મેળવીને શાનદાર શરૂઆત કરી છે. 

ભારતને જરૂર છે એક વિસ્ફોટક ઓપનર

આ મેચમાં સંજુ સેમસને વિસ્ફોટક સ્ટાઈલમાં બેટિંગ કરી સદી ફટકારી હતી. જેને લઈને હવે T20 ક્રિકેટમાં રોહિત શર્માના સ્થાને સંજુને ગણવામાં આવી રહ્યો છે. રોહિત શર્માએ T20I ક્રિકેટમાંથી નિવૃત્તિ લઇ લીધી છે. તેથી હવે ભારતીય ટીમને એક વિસ્ફોટક ઓપનરની જરૂર હતી.

સંજુએ સતત T20 મેચમાં સદી ફટકારી

ડરબનમાં રમાયેલી પહેલી T20 મેચમાં સંજુ સેમસને દક્ષિણ આફ્રિકા સામે 50 બોલમાં 107 રનની તોફાની ઇનિંગ રમી હતી. આ ઇનિંગમાં સંજુએ 10 શાનદાર છગ્ગા અને 7 ચોગ્ગા ફટકાર્યા હતા. T20Iમાં સંજુની આ સતત બીજી સદી હતી. આ પહેલા સંજુએ બાંગ્લાદેશ સાથે રમાયેલી T20 મેચમાં સદી ફટકારી હતી. આ સિવાય વ્યક્તિગત રીતે પણ આ તેની T20Iમાં બીજી સદી હતી.

આ પણ વાંચો : આ તો ભારતનું અપમાન કહેવાય...', IND vs SA મેચમાં બની એવી ઘટના કે ફેન્સ થયા ગુસ્સે!

શું રોહિતનું સ્થાન સંજુ લેશે?

હકીકતમાં રોહિત શર્માએ T20માં નિવૃત્તિ લીધા પછી ભારતની ઓપનિંગ યશસ્વી જયસ્વાલ અને શુભમન ગિલ કરી રહ્યા છે. પરંતુ આ બંને બેટર એટલા સફળ રહ્યા નથી. હવે આ સ્થાન પર સંજુ પોતાની જગ્યા બનાવી શકે છે.