ફાઈનલમાં સાઈ સુદર્શન 'નો બોલ' પર આઉટ? ફેન્સ ભડક્યા, સોશ્યલ મીડિયા પર આપી તીખી પ્રતિક્રિયા

ઇમર્જિંગ એશિયા કપ 2023ની ફાઇનલ મેચ ગઈકાલે ભારત-A અને પાકિસ્તાન-A વચ્ચે રમાઈ હતી, જેમાં પાકિસ્તાનનો 128 રનથી વિજય થયો હતો. આ મેચમાં ભારતના સ્ટાર બેટ્સમેન સાઈ સુદર્શનની વિકેટને લઈને ઉગ્ર ચર્ચા ચાલી હતી. ગ્રુપ સ્ટેજમાં પાકિસ્તાન-A સામે સદી ફટકારનાર સાઈ સુદર્શન ફાઇનલમાં કઈ ખાસ કરી શક્યો ન હતો. પરંતુ તેની વિકેટને લઈને સોશ્યલ મીડિયા પર અલગ-અલગ પ્રકારની પ્રતિક્રિયાઓ આવી રહી છે.

3rd umpire judges it as a Legal Delivery. pic.twitter.com/WDwDpJAyAq

— Mufaddal Vohra (@mufaddal_vohra) July 23, 2023

સાઈ સુદર્શનની વિકેટ વિવાદોમાં ઘેરાઈ

સાઈ સુદર્શનને પાકિસ્તાનના ફાસ્ટ બોલર અરશદ ઈકબાલે આઉટ કર્યો હતો. ઇકબાલે સુદર્શનને શોર્ટ બોલ પર કેચ આઉટ કરાવ્યો હતો. પરંતુ ઈકબાલનો આ બોલ વિવાદોના ઘેરામાં આવ્યો હતો. સોશ્યલ મીડિયા યુઝર્સ તેના આ બોલને નો બોલ કહી રહ્યા છે. વાયરલ થઈ રહેલી ફોટોમાં જોઈ શકાય છે કે અરશદ ઈકબાલનો પગ પોપિંગ ક્રિઝની નજીક હતો. જો કે આ પછી પણ નિર્ણય બોલરના પક્ષમાં ગયો અને સાઈ સુદર્શનને આઉટ જાહેર કરવામાં આવ્યો હતો.

ક્રિકેટ ફેન્સનો સોશ્યલ મીડિયા પર દેખાયો ગુસ્સો

સોશ્યલ મીડિયા પર કેટલાક યુઝર્સે અરશદ ઇકબાલના આ બોલને નો બોલ ગણાવ્યો તો કેટલાકે તેને ખૂબ જ નજીકનો મામલો ગણાવ્યો હતો. સુદર્શનની આ વિકેટને લઈને ફેન્સમાં ગુસ્સો પણ જોવા મળ્યો હતો.

પાકિસ્તાન-Aનો 128 રને વિજય

ભારત-Aએ ટોસ જીતીને પહેલા બોલિંગ કરવાનું પસંદ કર્યું હતું. પ્રથમ બેટિંગ કરતા પાકિસ્તાન-Aએ 50 ઓવરમાં 8 વિકેટે 352 રન બનાવ્યા હતા. પાકિસ્તાન માટે તૈયબ તાહિરે 12 ચોગ્ગા અને 4 છગ્ગાની મદદથી 108 રન બનાવ્યા હતા. આ સિવાય ઓપનર સાહિબજાદા ફરહાને 65 અને સૈમ અય્યુબે 59 રન બનાવ્યા હતા. લક્ષ્યનો પીછો કરતા ભારત-A 40 ઓવરમાં 224 રનમાં ઓલઆઉટ થઈ ગઈ હતી. આ રીતે પાકિસ્તાન-Aનો 128 રને વિજય થયો હતો. પાકિસ્તાન તરફથી બોલર સૂફિયાન મુકીમે સૌથી વધુ 3 વિકેટ લીધી હતી.